डॉ.डी.वाय.पाटील स्कूल ऑफ मॅनेजमेंटतर्फे दोन दिवसीय राष्ट्रीय परिषद
डॉ. अजिंक्य डी. वाय. पाटील विद्यापीठाचे अध्यक्ष डॉ. अजिंक्य डी. वाय. पाटील यांचे या परिषदेला मार्गदर्शन लाभत असून अजिंक्य डी. वाय. पाटील समूहाचे उपाध्यक्ष आणि डॉ. डी. वाय. पाटील स्कूल ऑफ मॅनेजमेंटचे संचालक डॉ. ई. बी. खेडकर यांच्या नेतृत्वाखाली या परिषदेचे आयोजन करण्यात आले आहे.
eduvarta@gmail.com 
एज्युवार्ता न्यूज नेटवर्क
पुण्यातील लोहेगाव परिसरातील डॉ. डी. वाय. पाटील स्कूल ऑफ मॅनेजमेंटच्या वतीने येत्या ११ व १२ मार्च रोजी “अत्याधुनिक संशोधन आणि नवोन्मेष” या विषयावर “Utkarsh VIII” या दोन दिवसीय राष्ट्रीय स्तरावरील परिषदेचे आयोजन करण्यात आले आहे. ही परिषद सावित्रीबाई फुले पुणे विद्यापीठाच्या सहकार्याने आयोजित करण्यात येत असून, संशोधन व नवोन्मेष क्षेत्रातील नवीन संकल्पना, तंत्रज्ञान आणि संशोधनाला प्रोत्साहन देणे तसेच शिक्षणतज्ज्ञ, संशोधक आणि विद्यार्थ्यांमध्ये ज्ञानाची देवाणघेवाण घडवून आणणे हा या परिषदेचा मुख्य उद्देश आहे.
डॉ. अजिंक्य डी. वाय. पाटील विद्यापीठाचे अध्यक्ष डॉ. अजिंक्य डी. वाय. पाटील यांचे या परिषदेला मार्गदर्शन लाभत असून अजिंक्य डी. वाय. पाटील समूहाचे उपाध्यक्ष आणि डॉ. डी. वाय. पाटील स्कूल ऑफ मॅनेजमेंटचे संचालक डॉ. ई. बी. खेडकर यांच्या नेतृत्वाखाली या परिषदेचे आयोजन करण्यात आले आहे. परिषदेचे संयोजक डॉ. गणेश लांडे असून, सहसंयोजक म्हणून डॉ. सुमित बनकर, डॉ. आशुतोष खेडकर आणि डॉ. चेतन सरवदे हे काम पाहत आहेत. तसेच संशोधन प्रमुख डॉ. चेतन खेडकर हे परिषदेच्या आयोजनासाठी सक्रियपणे योगदान देत आहेत. या परिषदेमुळे देशभरातील संशोधक व शिक्षणतज्ज्ञांना आपले नवे संशोधन सादर करण्यासाठी एक महत्त्वाचे व्यासपीठ उपलब्ध होणार आहे.
या परिषदेत देशभरातील नामवंत शिक्षणतज्ज्ञ आणि तज्ज्ञ प्रमुख अतिथी व वक्ते म्हणून उपस्थित राहणार आहेत. त्यामध्ये सावित्रीबाई फुले पुणे विद्यापीठाचे प्र-कुलगुरू डॉ. पराग काळकर, डॉ. बाबासाहेब आंबेडकर मराठवाडा विद्यापीठाचे प्र-कुलगुरू डॉ. वाल्मीक सरावदे, डॉ. रिपु रंजन सिन्हा (प्रो-व्हाइस चान्सलर, जयपूर), डॉ. सतीश शर्मा (प्रो-व्हाइस चान्सलर, लखनऊ), डॉ. श्याम शुक्ला (बेंगळुरू), डॉ. राजविंदर सिंह (पंजाब), डॉ. दलबीर कौशिक (हरियाणा), डॉ. डी. चेनप्पा तसेच Modia Rameshwar Rao (Osmania University, हैदराबाद), Dr. Vinod Malkar (डायरेक्टर, ऑनलाइन एज्युकेशन अँड आऊटरीच – चेअरमन, मार्केटिंग मॅनेजमेंट बोर्ड, Savitribai Phule Pune University), Dr. Bharat Kasar (डायरेक्टर, मॅनेजमेंट विभाग, Camp Education Society तसेच चेअरमन, फायनान्शियल मॅनेजमेंट बोर्ड, पुणे विद्यापीठ), Dr. Dhananjay Mandlik (डायरेक्टर, SIBAR – चेअरमन, ऑर्गनायझेशनल मॅनेजमेंट बोर्ड, पुणे विद्यापीठ) तसेच Philip Rodrigues (प्रोफेसर – वाणिज्य, St. Xavier's College Mapusa, गोवा) यांचा समावेश आहे.
या राष्ट्रीय परिषदेत देशभरातील शिक्षणतज्ज्ञ, संशोधक, उद्योगतज्ज्ञ आणि विद्यार्थी सहभागी होऊन आपले संशोधन निबंध सादर करणार आहेत. आधुनिक व्यवस्थापन, तंत्रज्ञान आणि विविध क्षेत्रांशी संबंधित संशोधन, नवोन्मेष आणि शैक्षणिक विषयांवर यावेळी सखोल चर्चा होणार आहे.
