शाब्बास! सीए फाऊंडेशन'मध्ये निकालात महाराष्ट्राची हवा, नाशिकची साक्षी जैन देशात पहिली
परीक्षेला बसलेल्या उमेदवारांना आता icai.org किंवा icai.nic.in या अधिकृत वेबसाइटवर रोल नंबर आणि नोंदणी क्रमांकाद्वारे निकाल तपासता येणार आहे. निकालाची लिंक सक्रिय करण्यात आली असून, विद्यार्थी स्कोअरकार्ड डाउनलोडही करू शकतात.
eduvarta@gmail.com 
एज्युवार्ता न्यूज नेटवर्क
न्स्टिट्यूट ऑफ चार्टर्ड अकाउंटंट्स ऑफ इंडियाने (ICAI) आज गुरुवार ३ जुलै २०२६ रोजी सीए फाउंडेशन मे सत्राची (CA Foundation May Session) परीक्षा निकाल जाहीर (Results Declared) केला आहे. या राष्ट्रीय पातळीवरील परीक्षेत महाराष्ट्रातील विद्यार्थ्यांनी घवघवीत यश संपादन केले आहे. नाशिकच्या साक्षी जैन (Sakshi Jain first all India rank) हिने ४०० पैकी ३७१ गुण मिळवत देशातून पहिला क्रमांक पटकला आहे. साक्षी जैन पाठोपाठ आणखीन दोन विद्यार्थ्यांनी कौतुकास्पद कामगिरी केली आहे. चंद्रपूरच्या अयान अब्बास अजानी याने ४०० पैकी ३६७ गुण मिळवून देशात दुसरा क्रमांक मिळवला. तर पुण्याची राधा उन्मेश मुळे हिने ४०० पैकी ३६५ गुण मिळवत तिसरा क्रमांक पटकावला आहे. त्यामुळे एकंदरीत या निकात महाराष्ट्राचा डंका पाहायला मिळत आहेत. टाॅप तीन मध्ये राज्यातीलच तिन्ही विद्यार्थ्यांचा समावेश असल्याचे दिसून येत आहेत
अधिकृत आकडेवारीनुसार, यावर्षी सीए फाऊंडेशन मे २०२६ च्या परीक्षेला देशभरातून एकूण ९० हजार २१७ उमेदवार बसले होते. त्यापैकी १८ हजार १२४ उमेदवार उत्तीर्ण झाले असून, या परीक्षेचा एकूण निकाल २०.०९ टक्के लागला आहे.
परीक्षेला बसलेल्या उमेदवारांना आता icai.org या अधिकृत वेबसाइटवर रोल नंबर आणि नोंदणी क्रमांकाद्वारे निकाल तपासता येणार आहे. निकालाची लिंक सक्रिय करण्यात आली असून, विद्यार्थी स्कोअरकार्ड डाउनलोडही करू शकतात. यावर्षी परीक्षा १४ मे ते २० मे दरम्यान घेण्यात आली होती. सीए फाउंडेशन निकालामुळे अनेक विद्यार्थ्यांचे करिअरचे स्वप्न पूर्ण होण्याची आशा निर्माण झाली आहे.
सीए फाउंडेशन ही चार्टर्ड अकाउंटन्सी कोर्सची प्रवेश-स्तरीय परीक्षा आहे. उत्तीर्ण झालेल्या विद्यार्थ्यांना सीए इंटरमीडिएट कोर्समध्ये प्रवेश घेता येतो. ICAI ने निकालासोबत गुणवत्ता यादीही प्रसिद्ध केली आहे. विद्यार्थ्यांना निकाल तपासण्यासाठी कोणत्याही अतिरिक्त अर्जाची गरज नाही. फक्त अधिकृत संकेतस्थळावर लॉगिन करून स्कोअरकार्ड डाउनलोड करता येईल.
निकाल कसा तपासावा?
निकाल तपासण्यासाठी icai.org वर जा.‘CA Foundation May 2026 Result’ लिंकवर क्लिक करा. रोल नंबर आणि नोंदणी क्रमांक भरून सबमिट करा. स्क्रीनवर स्कोअरकार्ड दिसेल, ते डाउनलोड करा. या सोप्या पद्धतीने विद्यार्थी सहज निकाल पाहू शकतात.
