धक्कादायक! मैत्रिणीकडून ९वीच्या विद्यार्थिनीवर शाळेच्या बाथरूम चाकू हल्ला

एज्युवार्ता न्यूज नेटवर्क

गुजरातमधील तापी जिल्ह्यातील (School Crime News) वलोड येथील एका नामांकित शाळेत ९वी वर्गात शिकणाऱ्या दोन मैत्रिणींमध्ये क्षुल्लक कारणावरून उद्भवलेल्या वादाने भयानक रूप धारण केले. एका अल्पवयीन मुलीने (Knife attack on a minor girl) आपल्या जवळच्या मैत्रिणीचा गळा दाबून तिला बेशुद्ध करण्याचा प्रयत्न केला आणि नंतर चाकूने हल्ला (Female student carries out knife attack) करत तिच्या हाताची नस कापली. सुदैवाने पीडित मुलीला तात्काळ रुग्णालयात दाखल करण्यात आल्याने तिचा जीव वाचला. ही घटना शाळेच्या वर्ग चालू असताना घडली असून, ती गुजरातसह संपूर्ण देशात खळबळ माजवणारी ठरली आहे.

मिळालेल्या माहितीनुसार, शाळेत तासिका सुरू असताना दोन्ही मैत्रिणींमध्ये किरकोळ मुद्द्यावरून वाद झाला. हा वाद इतका तीव्र झाला की, आरोपी मुलीने पीडित मैत्रिणीला शाळेच्या बाथरूममध्ये नेले. तिथे तिने ‘तुझ्या कपड्यांना डाग लागला आहे’ असे बहाणे करून पीडित मुलीचे लक्ष वेधून घेतले. याचवेळी आरोपीने विद्यार्थिनीने अचानक पीडितेचा गळा दाबला आणि तिला मारण्याचा प्रयत्न केला. पीडित मुलगी घुसमटल्याने बेशुद्ध होण्याच्या मार्गावर होती. मात्र ती अद्याप जिवंत असल्याचे पाहून आरोपीने पूर्वनियोजितपणे आणलेला चाकू काढला आणि थेट तिच्या हातावर वार केला. चाकूने नस कापल्याने प्रचंड रक्तस्राव झाला. पीडित मुलगी रक्ताच्या थारोळ्यात पडून बेशुद्ध झाली.

घटनेची माहिती मिळताच इतर विद्यार्थिनींनी शिक्षकांना कळवले. शाळेने तातडीने पीडित मुलीला जवळच्या रुग्णालयात दाखल केले. सध्या तिच्यावर उपचार सुरू आहेत आणि तिची प्रकृती स्थिर असल्याचे सांगितले जात आहे. पीडितेच्या वडिलांनी सांगितले की, शाळेकडून फोन आल्यानंतर त्यांना ही भयानक बातमी समजली. मुलीनेही रुग्णालयात सांगितले की, मैत्रिणीने बहाणा करून बाथरूममध्ये नेले आणि अचानक हल्ला केला.

पोलिसांकडून मिळालेल्या माहितीनुसार, “प्राथमिक तपासात दोन्ही मुलींमध्ये मैत्रीच्या नात्यावरून छोटासा वाद झाल्याचे समोर आले आहे. यातून हा हल्ला झाल्याचे दिसते. आरोपी अल्पवयीन असल्याने तिच्यावर बाल न्याय कायद्यानुसार कारवाई सुरू आहे. गुन्हा दाखल करण्यात आला असून पुढील तपास सुरू आहे.”