न्यू इंडिया अॅश्युरन्समध्ये नोकरीची मोठी संधी,  ५५० पदांसाठी भरती प्रक्रिया सुरू

एज्युवार्ता न्यूज नेटवर्क 

भारतातील अग्रगण्य सार्वजनिक क्षेत्रातील सामान्य बीमा कंपनी न्यू इंडिया अॅश्युरन्स कंपनी लिमिटेडने (NIACL) ५५० प्रशासकीय अधिकारी (Administrative Officers) पदांच्या भरतीसाठी अधिसूचना जारी (Notification issued) केली आहे. स्केल-I मध्ये भरती होणार असून, ही तरुण उमेदवारांसाठी एक मोठी संधी चालून आली आहे. इच्छुक आणि पात्र उमेदवार अधिकृत वेबसाइट www.newindia.co.in वर जाऊन ऑनलाइन पद्धतीने अर्ज करू शकतात.  अर्ज करण्याची अंतिम मुदत ६ जुलै 2026 पर्यंत (Deadline until July 6, 2026) देण्यात आली आहे. 

कंपनीने जारी केलेल्या जाहिराती नुसार, जनरलिस्ट आणि स्पेशलिस्ट संवर्गातील एकूण ५५० रिक्त जागा भरण्यात येणार आहेत. यामध्ये जनरलिस्ट पदांसाठी सुमारे १९३ आणि स्पेशलिस्ट संवर्गातील विविध शाखांसाठी ३५७ जागा आहेत. स्पेशलिस्ट पदांमध्ये फायनान्स, इंजिनिअरिंग, लीगल, मेडिकल, आयटी, एक्च्युरियल, कंपनी सेक्रेटरी इत्यादी क्षेत्रांचा समावेश आहे. ही भरती न्यू इंडिया अॅश्युरन्सच्या विस्तार योजनेचा भाग आहे. कंपनी देशभरात सेवा देत असून, विमा क्षेत्रात मजबूत उपस्थिती आहे. अशा प्रतिष्ठित सरकारी कंपनीत नोकरी मिळवण्याची ही चांगली संधी असल्याने लाखो उमेदवार अर्ज करण्याची शक्यता आहे. 

जनरलिस्ट पदांसाठी किमान पदवीधर उमेदवार पात्र आहेत, तर स्पेशलिस्ट पदांसाठी संबंधित क्षेत्रातील पदवी किंवा पदव्युत्तर पदवी आवश्यक आहे. वयोमर्यादा सामान्यतः २१ ते ३० वर्षे आहे. आरक्षित वर्गासाठी भरती नियमानुसार वयोमर्यादेत सुट देण्यात येणार आहे.

या भरतीसाठी, सर्वसाधारण/आर्थिकदृष्ट्या दुर्बल घटक/इतर मागासवर्गीय प्रवर्गातील पुरुष उमेदवारांकरिता अर्ज शुल्क ९४४ रुपये, तर महिला उमेदवारांकरिता अर्ज शुल्क ७०८ रुपये निश्चित करण्यात आले आहे. याशिवाय, अनुसूचित जाती / अनुसूचित जमाती / दिव्यांग  प्रवर्गातील उमेदवारांना २३६ रुपये अर्ज शुल्क भरावे लागेल. अधिक माहितीसाठी www.newindia.co.inवर भेट द्या आणि भरती विभाग नियमित पहा. यशस्वी उमेदवारांना प्रशिक्षणही देण्यात येईल.