बहुप्रतिक्षित SSC CGL आणि MTS चा अंतिम निकाल जाहीर
बहुप्रतिक्षित संयुक्त पदवीधर पातळी CGL आणि मल्टी टास्किंग सर्विस MTS परीक्षांचा अंतिम निकाल जाहीर केला आहे. एसएससीने https://ssc.gov.in/ या अधिकृत वेबसाइटवर निकाल जाहीर केले आहेत. या दोन्ही परीक्षांच्या निकालाची वाट पाहणारे उमेदवार तात्काळ पोर्टलला भेट देऊन निकाल तपासू शकतात.
eduvarta@gmail.com 
एज्युवार्ता न्यूज नेटवर्क
स्टाफ सिलेक्शन कमिशन (staff selection commission) SSC कडून मोठी बातमी समोर आली आहे. आयोगाने दोन बहुप्रतिक्षित संयुक्त पदवीधर पातळी (Combined graduate level) CGL आणि मल्टी टास्किंग सर्विस (Multi Tasking Service) MTS परीक्षांचा अंतिम निकाल जाहीर केला आहे. (The final exam results have been announced) एसएससीने https://ssc.gov.in/ या अधिकृत वेबसाइटवर निकाल जाहीर केले आहेत. या दोन्ही परीक्षांच्या निकालाची वाट पाहणारे उमेदवार तात्काळ पोर्टलला भेट देऊन निकाल तपासू शकतात.
आयोगाकडून MTS (नॉन-टेक्निकल) स्टाफ, हवालदार (सीबीआयसी आणि सीबीएन) परीक्षा, २०२४ च्या अंतिम निकालात एकूण ११ हजार ४६९ उमेदवार यशस्वी झाले आहेत. यापैकी ८ हजार ०४७ उमेदवारांची एमटीएस पदांसाठी निवड झाली आहे आणि ३ हजार ४२२ उमेदवारांची हवालदार पदांसाठी निवड झाली आहे. आयोगाने असेही म्हटले आहे की संशयास्पद अनियमिततेमुळे १७९ उमेदवारांचे निकाल छाननीसाठी रोखण्यात आले आहेत. याशिवाय, ५०४ उमेदवारांचे उमेदवारी अर्ज रद्द/प्रतिबंधित किंवा नाकारल्यामुळे त्यांचे निकाल जाहीर झालेले नाहीत. एमटीएस भरती परीक्षा ३० सप्टेंबर २०२४ ते १४ नोव्हेंबर २०२४ दरम्यान घेण्यात आली होती. परीक्षेनंतर, पीईटी/पीएसटी फेरी घेतल्यानंतर, आता अंतिम निकाल जाहीर झाले आहेत. या परीक्षेद्वारे एकूण ९ हजार ५८३ पदांची भरती केली जाईल, ज्यामध्ये ६ हजार १४४ मल्टी टास्किंग आणि ३ हजार ४३९ हवालदार पदांचा समावेश आहे.
एसएससीने CGL परीक्षेचा अंतिम निकाल देखील जाहीर केला आहे. या परीक्षेत १८ हजार १७४ उमेदवारांची निवड झाली आहे. एकूण निवडलेल्या पदांमध्ये ७ हजार ५६७ अनारक्षित, १ हजार ७१८ ईडब्ल्यूएस आणि २ हजार ७६२ एससी प्रवर्गातील उमेदवारांचा समावेश आहे. १ हजार ६०६ एसटी आणि ४ हजार ५२१ ओबीसी प्रवर्गातील उमेदवार आहेत.
SSC CGL टियर 2 परीक्षा १८, १९, २० आणि ३१ जानेवारी २०२५ रोजी घेण्यात आली होती. यापूर्वी, टियर १ परीक्षा ५ डिसेंबर २०२४ रोजी घेण्यात आली होती. दोन्ही टप्प्यांच्या परीक्षा घेतल्यानंतर, तात्पुरती उत्तरपत्रिका जारी करण्यात आली. यावर आक्षेप घेतल्यानंतर आता निकाल जाहीर करण्यात आले. आता अंतिम निकाल जाहीर झाला आहे. उमेदवार ते पोर्टलवर पाहू शकतात.
