निफ्ट प्रवेश परीक्षेसाठी अर्जसाठी मुदतवाढ; आता 'या' तारखेपर्यंत भरता येणार अर्ज 

नॅशनल इन्स्टिट्यूट ऑफ फॅशन टेक्नॉलॉजीमध्ये प्रवेश घेऊ इच्छिणाऱ्या विद्यार्थ्यांसाठी आनंदाची बातमी आहे. नॅशनल टेस्टिंग एजन्सीने शैक्षणिक सत्र २०२७-२८ साठीच्या एनआयएफटीईई २०२७ परीक्षेच्या ऑनलाइन नोंदणीची अंतिम मुदत वाढवली आहे.

निफ्ट प्रवेश परीक्षेसाठी अर्जसाठी मुदतवाढ; आता 'या' तारखेपर्यंत भरता येणार अर्ज 

एज्युवार्ता न्यूज नेटवर्क

नॅशनल इन्स्टिट्यूट ऑफ फॅशन टेक्नॉलॉजीमध्ये प्रवेश घेऊ इच्छिणाऱ्या विद्यार्थ्यांसाठी आनंदाची बातमी आहे. नॅशनल टेस्टिंग एजन्सीने शैक्षणिक सत्र २०२७-२८ साठीच्या एनआयएफटीईई २०२७ परीक्षेच्या ऑनलाइन नोंदणीची अंतिम मुदत वाढवली आहे. यापूर्वी १६ नोव्हेंबर २०२६ ही शेवटची तारीख होती, ती आता उमेदवार २४ नोव्हेंबर २०२६ पर्यंत सामान्य शुल्कासह अर्ज भरू शकतात. ही वाढ अंडरग्रेजुएट, पोस्टग्रेजुएट, लॅटरल एन्ट्री, आर्टिजन आणि पीएचडी अशा सर्व संबंधित अभ्यासक्रमांसाठी लागू आहे. अर्ज प्रक्रिया १६ ऑक्टोबरपासून सुरू झाली होती. शेवटच्या क्षणी चुकलेल्या अनेक विद्यार्थ्यांना या निर्णयामुळे दिलासा मिळाला आहे.

एजन्सीने जारी केलेल्या अधिकृत सूचनेनुसार, २४ नोव्हेंबरपर्यंत अर्ज न भरू शकणाऱ्या उमेदवारांसाठी अतिरिक्त संधीही उपलब्ध आहे. २५ ते २९ नोव्हेंबर २०२६ दरम्यान विलंब शुल्क भरून नोंदणी पूर्ण करता येईल. तसेच, अर्जामध्ये झालेल्या चुका दुरुस्त करण्यासाठी करेक्शन विंडो ३० नोव्हेंबर ते २ डिसेंबर २०२६ दरम्यान उघडी राहील. या कालावधीनंतर कोणताही बदल स्वीकारला जाणार नाही, त्यामुळे विद्यार्थ्यांनी सर्व माहिती काळजीपूर्वक तपासूनच फॉर्म सबमिट करावा.

पात्र उमेदवार exams.nta.nic.in/niftee/ या अधिकृत वेबसाइटवर जाऊन अर्ज करू शकतात. प्रथम होमपेजवरील नोंदणी लिंकवर क्लिक करून नवीन रजिस्ट्रेशन पूर्ण करावे, नंतर लॉगिन करून वैयक्तिक व शैक्षणिक तपशील भरावेत, आवश्यक कागदपत्रे अपलोड करावीत आणि शुल्क भरून फॉर्म जमा करावा. कन्फर्मेशन पेजची प्रिंटआउट भविष्यासाठी जतन करावी.