TET परीक्षेचा पेपर फोडणारे कोण? धक्कादायक माहिती आली समोर;गोपनीय प्रिंटिंग प्रेस टारगेट
28 जून रोजी घेतली जाणारी परीक्षा आणि आरोपींकडे सापडलेल्या प्रश्नपत्रिका या सारख्या असल्याचे शिक्षण अधिकाऱ्यांनी केलेल्या पुष्टीनंतर स्पष्ट झाले. त्यामुळे टीईटीचे केवळ काही प्रश्न फुटले नाही तर पूर्ण प्रश्नपत्रिका फुटली,असे यावरून दिसून येते. पोलिसांना सुद्धा याबाबतची खात्री पटली.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेतले जाणारे शिक्षक पात्रता परीक्षा (टीईटी) पेपर कोटीमुळे रद्द करण्यात आली. मात्र, हा पेपर महाराष्ट्रातून नाही तर परराज्यातून फुटला असल्याची शक्यता परीक्षा परिषदेच्या अधिकाऱ्यांकडून व्यक्त केली जात आहे.TET परीक्षेची प्रश्नपत्रिका परराज्यात प्रिंटिंग प्रेसमध्ये छपाईसाठी दिली जाते.या प्रिंटिंग प्रेसमधूनच पेपर लीक झाला, असल्याचा अंदाज पोलीस व परीक्षा परिषदेकरून वर्तवला जात आहे. त्यामुळे लवकरच पेपर फुटीचा मुख्य सूत्रधार समोर येणार आहे.
राज्य परीक्षा परिषदेतर्फे घेतल्या जाणाऱ्या टीईटी परीक्षेसाठी परीक्षेसाठी सहा लाख 125 उमेदवारांनी नोंदणी केली होती. 1028 परीक्षा केंद्रांवर ही परीक्षा आयोजित करण्यात आली होती. मात्र, परीक्षेच्या आधी एक दिवस मुंबईतील भिवंडी परिसरातील कोनगाव या भागात टीईटी परीक्षेच्या प्रश्नपत्रिका विक्रीसाठी घेऊन आलेल्या तिघांना पोलिसांनी सापळा राचून पकडले. त्यातील एक आरोपी हरियाणा येथील असून दोन आरोपी बिहार येथील आहेत. तब्बल दीड कोटी रुपयांत ना हा पेपर विकला जाणार होता, अशी माहिती अतिरिक्त आयुक्त अशोक दुधे यांनी पत्रकार परिषदेतून दिली.
राज्य परीक्षा परिषदेतर्फे प्रसिद्ध करण्यात आलेल्या निवेदनात टईटी परीक्षेतील काही समान प्रश्न पेपर फोडणाऱ्या व्यक्तींकडे आढळले असल्याचे नमूद करण्यात आले आहे. प्रत्यक्षात मात्र संबंधित आरोपींकडे चार प्रश्नपत्रिकांचे संच आढळून आले. 28 जून रोजी घेतली जाणारी परीक्षा आणि आरोपींकडे सापडलेल्या प्रश्नपत्रिका या सारख्या असल्याचे शिक्षण अधिकाऱ्यांनी केलेल्या पुष्टीनंतर स्पष्ट झाले. त्यामुळे टीईटीचे केवळ काही प्रश्न फुटले नाही तर पूर्ण प्रश्नपत्रिका फुटली,असे यावरून दिसून येते. पोलिसांना सुद्धा याबाबतची खात्री पटली, असे पोलीस अधिकारी अशोक दुधे यांनी सांगितले.
राज्य मंडळासह टीईटी च्या प्रश्नपत्रिका या परराज्यातून छापल्या जातात. त्यासाठी अत्यंत गोपनीयता पाळली जाते. पूर्वी प्रश्नपत्रिका छापण्यासाठी नियुक्त केली जाणारी एजन्सी निश्चित करण्याचे अधिकार परीक्षा परिषदेकडे होते. मात्र, काही वर्षांपासून हे अधिकार मंत्रालयाकडे गेले असल्याची माहिती समोर आली होती. त्यामुळे प्रश्नपत्रिका छपाईचे काम कोणत्या गोपनीय संस्थेला दिले गेले. ही गोपनीय संस्था कोणाशी निगडीत आहे, याबाबत लवकरच सर्व माहिती पोलीस तपासातून समोर येईल. पोलिसांनी या प्रकरणी SIT स्थापन केली आहे. त्यामुळे लवकरच पोलीस मुख्य सूत्रधाराच्या मुसक्या आवळतील.
दरम्यान, काँग्रेसचे आमदार साजिद खान पठाण आणि राज्य परीक्षा परिषदेचे अध्यक्ष नंदकुमार बेडसे यांच्यातील मोबाईलवरील संभाषणाची एक ऑडिओ क्लिप व्हायरल झाली आहे. त्यात पेपर फोडणारे परराज्यातील असून पेपर हा प्रिंटिंगसाठी निवडण्यात आलेल्या गोपनीय प्रिंटिंग प्रेसमधून फुटला असल्याची शक्यता नंदकुमार बेडसे यांनी व्यक्त केली आहे.
