CET-CELL तर्फे अखेर इंजिनिअरिंग अभ्यासक्रमाची प्रवेश प्रक्रिया सुरू; आजच अर्ज करा
खुल्या संवर्गातील विद्यार्थ्यांकडून प्रवेश अर्जासाठी १ हजार ३०० रुपये तर मागासवर्गीय संवर्गातील विद्यार्थ्यांसाठी १ हजार रुपये शुल्क आकारले जाणार आहे. विद्यार्थी डॉक्युमेंट व्हेरिफिकेशन आणि ऑनलाइन अर्ज कन्फर्मेशन 3 जुलै ते 13 जुलै या कालावधीत करू शकतात.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामायिक प्रवेश परीक्षा कक्ष अर्थात (सीईटी-सेल) तर्फे शैक्षणिक वर्ष 2026-27 साठी चार वर्ष अभियांत्रिकी आणि पाच वर्ष पदुत्तर पदवी अभियांत्रिकी अभ्यासक्रमाच्या प्रवेश प्रक्रियेला सुरुवात झाली आहे. विद्यार्थी 2 जुलै ते 12 जुलै या कालावधीपर्यंत प्रवेशासाठी नोंदणी करू शकतात. प्रवेशासंदर्भातील सविस्तर वेळापत्रक सीईटी सेलच्या संकेतस्थळावर प्रसिद्ध करण्यात आले आहे.
राज्य सामायिक प्रवेश परीक्षा कक्षातर्फे इंजीनियरिंग अभ्यासक्रमाची प्रवेश प्रक्रिया सुरू करण्यात आली आहे. खुल्या संवर्गातील विद्यार्थ्यांकडून प्रवेश अर्जासाठी १ हजार ३०० रुपये तर मागासवर्गीय संवर्गातील विद्यार्थ्यांसाठी १ हजार रुपये शुल्क आकारले जाणार आहे. विद्यार्थी डॉक्युमेंट व्हेरिफिकेशन आणि ऑनलाइन अर्ज कन्फर्मेशन 3 जुलै ते 13 जुलै या कालावधीत करू शकतात.
प्रवेशासाठी अर्ज केलेल्या विद्यार्थ्यांची तात्पुरती गुणवत्ता यादी येत्या 15 जुलै रोजी प्रसिद्ध केली जाणार आहे. विद्यार्थ्यांना गुणवत्ता यादी संदर्भातील आक्षेप 16 ते 18 जुलै या कालावधीत नोंदवता येतील. प्रवेशाची अंतिम गुणवत्ता यादी २० जुलै रोजी प्रसिद्ध केली जाणार आहे, असे राज्य परीक्षा परिषदेतर्फे कळविण्यात आले आहे.
राज्याचे उच्च व तंत्र शिक्षण मंत्री चंद्रकांत पाटील यांनी चालू शैक्षणिक वर्षात सर्व व्यावसायिक अभ्यासक्रमांच्या प्रवेश प्रक्रियेसाठी दोन परीक्षांची संधी विद्यार्थ्यांना उपलब्ध करून देण्याचा निर्णय घेतला होता. अनेक विद्यार्थ्यांनी या संधीचा लाभ घेतला. आता इंजीनियरिंग अभ्यासक्रमाची प्रवेश प्रक्रिया सुरू झाली आहे. डॉक्युमेंट वेरिफिकेशन शनिवारी व रविवारी सुद्धा सुरू राहणार आहे. विद्यार्थी सकाळी 10 ते सायंकाळी साडेपाच वाजेपर्यंत डॉक्युमेंट वेरिफिकेशन करू शकतात.
