खेळाडू विद्यार्थ्यांना मोफत शिक्षण; जाधवर ग्रुप ऑफ इंस्टिट्यूटचा मोठा निर्णय, केजी टू पीजी चे विद्यार्थी पात्र
ॲड.शार्दुल जाधवर म्हणाले, जाधवर ग्रुप ऑफ इन्स्टिट्यूटने केजी टू पीजी पर्यंतच्या सर्व खेळाडूंसाठी महत्त्वाचा निर्णय घेतला आहे. विविध क्रीडा प्रकारात राज्यस्तरीय, राष्ट्रीय तसेच आंतरराष्ट्रीय स्तरावर प्रतिनिधित्व केलेल्या विद्यार्थ्यांना या योजनेचा लाभ घेता येणार आहे. समाजातील गोरगरीब, वंचित, दलित, आदिवासी घटकातील विद्यार्थ्यांना निश्चितच या योजनेचा फायदा होईल.
eduvarta@gmail.com 
एज्युवार्ता न्यूज नेटवर्क
नामांकित शिक्षण संस्था म्हणून ओळखल्या जाणाऱ्या जाधवर ग्रुप ऑफ इन्स्टिट्यूटने शैक्षणिक वर्ष 2026- 27 साठी खेळाडूंना प्रोत्साहन देण्यासाठी शालेय विद्यार्थ्यांपासून ते पीएचडी पर्यंतच्या खेळाडू विद्यार्थ्यांना मोफत शिक्षण देण्याचा निर्णय घेतला आहे. विद्यार्थ्यांना मोफत शिक्षणाबरोबरच 100 टक्के क्रीडा शिष्यवृत्ती, मोफत आहार सुविधा, क्रीडा साहित्य उपलब्ध करून देणे याबरोबरच अत्याधुनिक क्रीडा, पायाभूत सुविधांचा वापर अशा सवलती विद्यार्थ्यांना दिल्या जाणार आहेत. त्यामुळे खेळाची आवड असणाऱ्या विद्यार्थ्यांनी जाधवर ग्रुप ऑफ इन्स्टिट्यूटच्या शाळा व महाविद्यालयांमध्ये प्रवेश घेऊन या संधीचा लाभ घ्यावा, असे आवाहन जाधवर ग्रुप इन्स्टिट्यूटचे उपाध्यक्ष ॲड.शार्दुल जाधवर यांनी केले आहे.
जाधवर ग्रुप ऑफ इन्स्टिट्यूटच्या माध्यमातून चालवल्या जाणाऱ्या शाळा व महाविद्यालयांमध्ये कला, वाणिज्य, विज्ञान या विद्याशाखांबरोबरच सर्व व्यावसायिक अभ्यासक्रमांचे शिक्षण दिले जाते. संस्थेच्या माध्यमातून अनेक शैक्षणिक, सामाजिक उपक्रम राबविले जातात. या कार्यक्रमांना कला, क्रीडा, साहित्य, चित्रपट,राजकारण अशा विविध क्षेत्रातील मान्यवर व्यक्ती संस्थेच्या कार्यक्रमास हजेरी लावतात. त्यामुळे विद्यार्थ्यांना त्यांच्या आवडीच्या क्षेत्रातील मान्यवर व्यक्तींना भेटण्याची संधी उपलब्ध होते. त्यातच आता संस्थेने खेळाडूंना अधिकाधिक प्रोत्साहन देण्याचा निर्णय घेतला आहे. खेळाडू विद्यार्थ्यांना पूर्णपणे मोफत शिक्षण देणारी जाधवर ग्रुप ऑफ स्कूल ही एकमेव संस्था आहे.
जाधवर ग्रुप ऑफ इन्स्टिट्यूटचे उपाध्यक्ष ॲड.शार्दुल जाधवर म्हणाले, जाधवर ग्रुप ऑफ इन्स्टिट्यूटने केजी टू पीजी पर्यंतच्या सर्व खेळाडूंसाठी महत्त्वाचा निर्णय घेतला आहे. विविध क्रीडा प्रकारात राज्यस्तरीय, राष्ट्रीय तसेच आंतरराष्ट्रीय स्तरावर प्रतिनिधित्व केलेल्या विद्यार्थ्यांना या योजनेचा लाभ घेता येणार आहे. समाजातील गोरगरीब, वंचित, दलित, आदिवासी घटकातील विद्यार्थ्यांना निश्चितच या योजनेचा फायदा होईल. खेळाची आवड आहे.परंतु, केवळ आर्थिक अडचण असल्यामुळे शिक्षण आणि खेळ यावर लक्ष केंद्रित करता येत नसलेल्या विद्यार्थ्यांना या संधीचा लाभ घेता येईल. खेळाची आवड आहे,परंतु पाठबळ नाही,योग्य प्रशिक्षण मिळत नाही, त्यामुळे मोठी कामगिरी करता येत नाही, अशा विद्यार्थ्यांना येथे योग्य मार्गदर्शन व सर्व प्रशिक्षण उपलब्ध करून दिले जाणार आहेत. जाधवर ग्रुप ऑफ इन्स्टिट्यूट ही एकमेव संस्था आहे, जी खेळाडूंना पूर्णपणे मोफत शिक्षण उपलब्ध करून देत आहे.
क्रीडा क्षेत्रात मोठी कामगिरी करू इच्छिणाऱ्या विद्यार्थ्यांनी तसेच विद्यार्थ्यांच्या पालकांनी जाधवर ग्रुप इन्स्टिट्यूट मधील विविध अभ्यासक्रमाच्या प्रवेशाबाबतच्या अधिक माहितीसाठी नर्हे येथील संस्थेच्या कार्यालयास भेट द्यावी. तसेच 91682 74116 या दूरध्वनी क्रमांकावर संपर्क साधावा किंवा www.jadhavargroupofinstitute.in या संकेतस्थळाला भेट द्यावी.
