आरटीई प्रवेशासाठी पालकांची धाकधूक वाढली
दुपारी ३ वाजल्यानंतर संकेतस्थळावर ॲप्लीकेशन क्रमांक टाकून आपल्या मुलाला प्रवेश मिळाला किंवा नाही याबाबतची माहिती पालकांना जाणून घेता येईल.
eduvarta@gmail.com 
एज्युवार्ता न्यूज नेटवर्क
शिक्षण हक्क कायद्यांतर्गत (RTE) ऑनलाइन पद्धतीने दिल्या जाणाऱ्या आरटीई प्रवेशाची (RTE Admission) लॉटरी काढण्यात आली असून बुधवारी (दि. १२ ) दुपारी ४ वाजल्यानंतर पालकांना प्रवेशाचे एसएमएस पाठवले जाणार आहेत. तर दुपारी ३ वाजल्यानंतर संकेतस्थळावर ॲप्लीकेशन क्रमांक टाकून आपल्या मुलाला प्रवेश मिळाला किंवा नाही याबाबतची माहिती पालकांना जाणून घेता येईल. (RTE lottery)
शिक्षणविषयक ताज्या बातम्यांसाठी येथे क्लिक करा. http://eduvarta.com/
राज्यातील ८ हजार ८२८ शाळांमधील आरटीईच्या १ लाख १ हजार ९६९ जागांसाठी ३ लाख ६६ हजार ५६२ विद्यार्थ्यांनी अर्ज केले होते. परंतु, त्यातील तब्बल २ हजार १७२ अर्ज दुबार असल्याचे समोर आले. आता ३ लाख ६४ हजार ३९० अर्जांमधून आरटीई प्रवेशाची ऑनलाईन लॉटरी काढली जात आहे. मात्र, उपलब्ध जागांपेक्षा तब्बल तीन पट अर्ज आल्यामुळे आपल्या पाल्याला प्रवेश मिळणार किंवा नाही या विचाराने पालकांची धाकधूक वाढली आहे.
हेही वाचा : शिक्षणमंत्री केसरकर झुकले; खासगी शाळा ताब्यात घेण्याबाबत मोठं वक्तव्य
पुणे जिल्ह्यातील ९३६ इंग्रजी माध्यमांच्या शाळांमधील १५ हजार ६५५ जागांसाठी ७७ हजार ५३१ अर्ज प्राप्त झाले आहेत. यातून कोणत्या विद्यार्थ्याला प्रवेश मिळणार हे बुधवारी दुपारी ३ वाजल्यानंतर स्पष्ट होणार आहे. पालक आपला ॲप्लीकेशन क्रमांक संकेतस्थळावर टाकून प्रवेशाबाबतची माहिती जाणून घेऊ शकतात. तर प्रवेशाचा एसएमएस प्राप्त होणाऱ्या मुलांना कागदपत्र तपासणीसह प्रवेशाची पुढील प्रक्रिया पूर्ण करावी लागणार आहे.
या तारखा आहेत महत्वाच्या -
प्रवेशाचे एसएमएस मिळण्याचा दिनांक : १२ एप्रिल २०२३
कागदपत्र पडताळणी करण्याचा कालावधी : १३ ते २५ एप्रिल
शाळेमध्ये प्रत्यक्ष प्रवेश केव्हा घेता येणार : २५ ते ३० एप्रिल
