पेपर फूटीनंतर NEET परीक्षा ऑनलाईन घेण्याचा निर्णय; केंद्रीय शिक्षण मंत्र्यांची घोषणा
शिक्षणमंत्री म्हणाले, “पुढील वर्षापासून NEET परीक्षा CBT मोडमध्ये घेतली जाईल.” तसेच, NEET-UG २०२६ ची पुनर्परीक्षा २१ जून २०२६ रोजी घेण्यात येणार असल्याचीही त्यांनी घोषणा केली. ही पुनर्परीक्षा ऑफलाइन अर्थात पेन-अँड-पेपर पद्धतीनेच होणार असल्याचे त्यांनी स्पष्ट केले.
eduvarta@gmail.com 
एज्युवार्ता न्यूज नेटवर्क
मेडिकल प्रवेशासाठी घेतल्या जाणाऱ्या नीट परीक्षेचा पेपर फुटल्याने देशभर संताप व्यक्त केला जात आहे. या पार्श्वभूमीवर केंद्रीय शिक्षणमंत्री Dharmendra Pradhan यांनी NEET-UG परीक्षा ही २०२७ पासून संगणक आधारित (CBT) पद्धतीने ऑनलाईन पध्दतीने घेतली जाणार असल्याची महत्त्वाची घोषणा केली. NEET-UG २०२६ पेपरफुटीच्या आरोपांवरून देशभरात निर्माण झालेल्या वादाच्या पार्श्वभूमीवर त्यांनी ही महत्वाची घोषणा केली आहे.
माध्यमांशी संवाद साधताना शिक्षणमंत्री म्हणाले, “पुढील वर्षापासून NEET परीक्षा CBT मोडमध्ये घेतली जाईल.” तसेच, NEET-UG २०२६ ची पुनर्परीक्षा २१ जून २०२६ रोजी घेण्यात येणार असल्याचीही त्यांनी घोषणा केली. ही पुनर्परीक्षा ऑफलाइन अर्थात पेन-अँड-पेपर पद्धतीनेच होणार असल्याचे त्यांनी स्पष्ट केले.
परीक्षा प्रक्रिया पारदर्शक, निष्पक्ष व्हावी यासाठी केंद्र सरकारकडून आवश्यक उपाययोजना केल्या जात आहेत, असे नमूद करून धर्मेंद्र प्रधान म्हणाले, NEET परीक्षेतील कथित पेपरफुटी प्रकरणामुळे विद्यार्थ्यांमध्ये आणि पालकांमध्ये निर्माण झालेली चिंता लक्षात घेऊन सरकार कठोर पावले उचलत आहे.
दरम्यान, NEET परीक्षा ऑनलाइन पद्धतीने घेण्याबाबत दोन वर्षांपूर्वी न्यायालयात हमीपत्र सादर करण्यात आले होते.मात्र, केंद्र शासनाने आपल्या त्यानुसार कार्यवाही केली नाही.मात्र,पेपर फूटीची घटना घडल्यानंतर आता ऑनलाईन परीक्षेची घोषणा करण्यात आली आहे.
View this post on Instagram
