योगा टीचरला मारून खड्यात पुरले, पण श्वास रोखून जिवंत बाहेर पडली 

एज्युवार्ता न्यूज नेटवर्क 

महिला योगा टीचरचा (Female Yoga Teacher) केबलने गळा दाबून खून करण्याचा प्रयत्न करण्यात आला. मात्र, योगा टीचर असल्याने हल्लेखोराला आणि मृत्यूला चकवा देण्यात यशस्वी झाली. आरोपीने महिला योगा टिचरला जोरदार मारहाण केली. त्यानंतर तिने बेशुद्ध पडण्याचे नाटक केले, आरोपीने तीला मृत  समजून खड्यात पुरले, पण ती  श्वास रोखून जिवंत खड्याबाहेर पडली. ही घटना कर्नाटक राज्यातील चिकबल्लापूर (Karnataka Chikballapur News) येथे घडली आहे. महिलेच्या तक्रारीवरून सात जणांना पोलीसांनी अटक केली आहे. 

पोलीसांनी दिलेल्या माहितीनुसार, हा प्रकार प्रेमप्रकरणातून घडला आहे. मुख्य आरोपी स‍तीश रेड्डी हा महिला योगा टीचरचा मित्र आहे. तो बेंगळुरूचा रहिवासी असून त्याने एक खासगी गुप्तहेर आहे. त्याने ३ महिन्यांपूर्वी योगा टीचरकडे योगाचे क्लास लावले होते. त्या बहाण्याने त्यांने टीचरचा विश्वास जिंकला आणि प्रेमाच्या जाळ्यात ओढले. त्यानंतर त्याने शहरात फिरायच्या बहाण्याने चिकबल्लापूर पासून 30 किमी अंतरावर निर्जनस्थळी घेऊन गेला आणि हा सर्व प्रकार घडला. 

महिला योगा टीचरने दिल्याल्या तक्रारीनुसार, शहरात फिरत असताना आरोपी रेड्डी तिला शहराबाहेर एका निर्जन ठिकाणी घेऊन गेला. यानंतर त्याने कपडे काढून तिला मारहाण करण्यास सुरुवात केली. मारामारीनंतर मारेकरी सतीश रेड्डीने केबलने गळा आवळून खून करण्याचा प्रयत्न केला. टीचरने आधी बेशुद्ध पडल्याचे नाटक केले. त्यानंतर तिने श्वासोच्छवासाचे विशेष तंत्र वापरून मृत्यूचे नाटक केले. रेड्डीने मृत समजून खड्यात पुरले. यानंतर रेड्डीने आपल्या मित्रांच्या मदतीने योगा टीचरचे दागिने लुटले, माती टाकली आणि घटनास्थळावरून पळ काढला.