महाराष्ट्र स्टेट को-ऑपरेटिव्ह बँकेत नोकरी संधी, विविध पदांसाठी भरती प्रक्रिया सुरू

एज्युवार्ता न्यूज नेटवर्क 

महाराष्ट्र राज्य सहकारी बँक लिमिटेड (Maharashtra State Cooperative Bank Limited) मुंबई अंतर्गत प्रशिक्षणार्थी कनिष्ठ अधिकारी आणि प्रशिक्षणार्थी सहयोगी (Trainee Junior Officers and Trainee Associates) पदांच्या एकूण ७५ रिक्त जागा भरण्यात येणार आहेत. पदांनुसार पात्र असणाऱ्या उमेदवारांकडून अर्ज मागविण्यात येत आहेत. अर्ज ऑनलाईन पद्धतीने करायचा आहे. अर्ज करण्याची शेवटची अंतिम मुदत २३ नोव्हेंबर २०२४ आहे.

इच्छुक आणि पात्र उमेदवार MSC बँकेचे अधिकृत संकेतस्थळ https:// www. mscbank. com/ career वर जाऊन अर्ज करू शकतात. त्यासाठी उमेदवाराने कोणत्याही शाखेतून ५० गुणांसह पदवी उत्तीर्ण असणे आवश्यक आहे. तसेच उमेदवाराने १० वी ची परीक्षा मराठी विषयासह उत्तीर्ण केलेली असावी. अशी अट घालण्यात आलेली आहे. टायपिंगचे शासकीय कमर्शियल प्रमाणपत्र मराठी ३० श.प्र.मि. आणि इंग्रजी ४० श.प्र.मि. आणि MS- CIT सर्टिफिकेशन असल्यास प्राधान्य देण्यात येणार आहे.

महाराष्ट्र स्टेट को-ऑपरेटिव्ह बँकेच्या भरती प्रक्रियेत सहभागी होण्यासाठी उमेदवाराचे वय हे २१ ते २८ वर्ष दरम्यान असणे आवश्यक आहे.  या भरती मोहिमेअंतर्गत ज्युनिअर श्रेणी अधिकारी (प्रशिक्षणार्थी) पदांच्या २५ जागा व असोसिएट पदांच्या ५० जागा मिळून एकूण ७५ पदांसाठी ही भरती प्रक्रिया पार पडणार आहे. वय मर्यादा, परीक्षा शुल्क, शैक्षणिक पात्रता या सविस्तर माहितीसाठी अधिकृत जाहिरात पाहावी. 

ट्रेनी असोसिएट पदांसाठी पूर्वपरीक्षा पात्रता स्वरूपाची. अंतिम निवड मुख्य परीक्षेतील कामगिरीवर आधारित केली जाईल. पूर्वपरीक्षा १०० प्रश्न, १०० 
ऑनलाइन परीक्षा इंग्रजी भाषेत घेतली जाईल. यातून पात्रतेसाठी किमान ५० गुण आवश्यक आहेत. ऑनलाइन परीक्षेतील कामगिरी, शैक्षणिक अर्हता (व्हॅलिडेशन) आणि अनुभव पाहून उमेदवार पर्सोनल इंटरव्ह्यूकरिता शॉर्टलिस्ट केले जातील. ऑनलाइन परीक्षा आणि इंटरव्ह्यूमधील एकत्रित गुणांनुसार गुणवत्ता यादी बनविली जाईल.