भरदिवसा शाळेत शिक्षिकेची हत्या २० हून अधिक चाकूने सपासप वार घटना कॅमेर्‍यात कैद 

\एज्युवार्ता न्यूज नेटवर्क 

फरिदाबाद जिल्ह्यातील सिक्रोना गावातील (Faridabad Distric tSikrona Village) एका शाळेत भरदिवसा शिक्षिकेची हत्या करण्यात आल्याचा धक्कादायक प्रकार समोर आला आहे. सरस्वती सीनियर सेकेंडरी स्कूलमध्ये (Saraswati Senior Secondary School) नकाबपोश व्यक्तीने शिक्षिका संध्या ( वय ३२ वर्षे) यांच्यावर चाकूने २० हून अधिक सपासप वार करून हत्या केला. ही घटना शाळेच्या सीसीटीव्ही कॅमेरात (CCTV footage)  कैद झाली असून परिसरात खळबळ उडाली आहे. पोलिस सखोल तपास (Police investigation) करत आहेत.

सकाळी सुमारे ९:३५ वाजता एक नकाबपोश व्यक्ती शाळेत आला आणि शिक्षिकेला भेटण्याची इच्छा व्यक्त केली. संध्या त्याला भेटायला बाहेर आल्या आणि त्याच वेळी हल्लेखोराने शिक्षिकेवर चाकूने वार करायला सुरुवात केली. गळ्यापासून पोटापर्यंत असंख्य वार झाल्याने शिक्षिका रक्ताच्या थारोळ्यात पडली. त्यांच्या किंकाळ्या ऐकताच शाळेचे संचालक तेजपाल शर्मा बाहेर आले आणि हल्लेखोराला रोखण्याचा प्रयत्न केला. मात्र चाकू दाखवत धमकी दिल्यानंतर संचालक काठी आणण्यासाठी आत गेले आणि तोपर्यंत आरोपी फरार झाला.

संध्या फिरोजपुरमधील कलान गावाच्या रहिवाशी होत्या. त्या दोन मुलांची आई असून मागील एक वर्षापासून या शाळेत शिक्षिका म्हणून कार्यरत होत्या. हल्ल्यानंतर त्यांना रुग्णालयात नेण्यात आले, मात्र तिथे डॉक्टरांनी शिक्षिकेला मृत घोषित केले. शाळेसमोर रस्त्याचे बांधकाम सुरू असल्याने धूळ टाळण्यासाठी अनेकजण मास्क वापरतात. त्यामुळे नकाबपोश व्यक्तीला कोणीही थांबवले नाही.

स्थानिक पोलीस आणि गुन्हे शाखेचे पथकाने घटनास्थळाची पाहणी केली आणि सीसीटीव्ही फुटेज जप्त केले. हल्लेखोराने शिक्षिकेच्या ओळखीतील व्यक्ती असण्याची शक्यता पोलिसांकडून वर्तवली जात आहे. पोलिस सध्या हत्येमागील नेमके कारण आणि आरोपीचा शोध घेत आहेत. मृत शिक्षिकेच्या कुटुंबीयांची चौकशी सुरू असून तपासाची दिशा स्पष्ट होईल, अशी अशा व्यक्त केली जात आहे.