एलएलबी ५ वर्ष प्रवेश प्रक्रियेला सुरुवात; पसंतीक्रम भरण्यास ७ ऑगस्टपर्यंत मुदत
जागावाटपानंतर विद्यार्थ्यांनी १३ ऑगस्ट ते १८ ऑगस्ट २०२६ या कालावधीत (१५ ऑगस्ट वगळून) संबंधित महाविद्यालयात उपस्थित राहून कागदपत्रांची पडताळणी करून प्रवेश निश्चित करणे आवश्यक आहे.
Eduvarta
एज्युवार्ता न्यूज नेटवर्क
महाराष्ट्र राज्य सामाईक प्रवेश परीक्षा (सीईटी) कक्षामार्फत शैक्षणिक वर्ष २०२६-२७ साठी उच्च शिक्षण विभागांतर्गत ५ वर्षीय विधी (एलएलबी) अभ्यासक्रमाच्या केंद्रीभूत प्रवेश प्रक्रियेला सुरुवात झाली आहे. या प्रवेश प्रक्रियेअंतर्गत महाविद्यालयांचा पसंतीक्रम (ऑप्शन फॉर्म) भरण्याची मुदत ५ ऑगस्ट ते ७ ऑगस्ट २०२६ अशी असून, पहिल्या फेरीतील जागावाटपाची यादी १२ ऑगस्ट २०२६ रोजी जाहीर करण्यात येणार आहे.
जागावाटपानंतर विद्यार्थ्यांनी १३ ऑगस्ट ते १८ ऑगस्ट २०२६ या कालावधीत (१५ ऑगस्ट वगळून) संबंधित महाविद्यालयात उपस्थित राहून कागदपत्रांची पडताळणी करून प्रवेश निश्चित करणे आवश्यक आहे. प्रवेश घेतलेल्या विद्यार्थ्यांची माहिती महाविद्यालयांकडून १९ ऑगस्ट २०२६ रोजी पोर्टलवर अपलोड करण्यात येईल.
यापूर्वी एलएलबी ५ वर्ष अभ्यासक्रमासाठी केंद्रीभूत प्रवेशाची ऑनलाइन नोंदणी १९ जून ते १७ जुलै २०२६ या कालावधीत पार पडली होती. या प्रवेश प्रक्रियेची अंतिम गुणवत्ता यादी २८ जुलै २०२६ रोजी प्रसिद्ध करण्यात आली असून, एकूण १८ हजार ३०५ विद्यार्थ्यांनी नोंदणी केली आहे.
दरम्यान, ज्या विद्यार्थ्यांनी २०२६ ची एमएचटी-सीईटी (५ वर्षीय विधी) परीक्षा दिली होती; मात्र प्रवेशासाठी नोंदणी केली नव्हती, अशा विद्यार्थ्यांना तिसऱ्या केंद्रीभूत प्रवेश फेरीसह (राऊंड-३) संस्थात्मक स्तरावरील प्रवेश फेरीसाठी नव्याने नोंदणी करण्याची संधी देण्यात आली आहे. अशा विद्यार्थ्यांना ५ ऑगस्ट ते ३१ ऑगस्ट २०२६ या कालावधीत नोंदणी करता येणार असल्याची माहिती सीईटी कक्षाने दिली आहे.
