ना परीक्षा ना मुलाखात रेल्वेत थेट नोकरी, ५३४९ जागांसाठी भरती प्रक्रिया सुरू 

एज्युवार्ता न्यूज नेटवर्क

सरकारी नोकरीच्या शोधात असलेल्या उमेदवारांसाठी महत्त्वाची बातमी समोर आली आहे. पश्चिम रेल्वेत (Railway Recruitment 2026) तब्बल 5 हजार 349 अप्रेंटिस पदांसाठी भरती (Recruitment for 5 thousand 349 posts)जाहीर करण्यात आली असून इच्छुक उमेदवारांकडून ऑनलाइन अर्ज मागवण्यात येत आहेत. रेल्वे रिक्रूटमेंट सेल (Railway Recruitment Cell) मार्फत ही भरती प्रक्रिया राबवली जाणार आहे. इच्छुक आणि पात्र उमेदवार अधिकृत संकेतस्थळ www.rrc-wr.com वरून अर्ज भरू शकतात. अर्ज प्रक्रिया आज शनिवार 21 फेब्रुवारीपासून सुरू होणार आहे. तर अर्ज करण्याची अंतिम मुदत 23 मार्च (Deadline March 23) 2026 निश्चित करण्यात आली आहे. 

या भरती मोहिमेअंतर्गत पश्चिम रेल्वेत अप्रेंटिस पदांसाठी 5 हजार 349 जागांची भरती जाहीर करण्यात आली आहे. या पदांसाठी उमेदवारांची निवड मेरिट बेस्ड शॉर्टलिस्टिंग आणि कागदपत्र पडताळणीच्या आधारे केली जाणार आहे. कोणतीही लेखी परीक्षा घेतली जाणार नाही. त्यामुळे उमेदवारांना अर्जासाठी सुमारे एक महिन्याचा कालावधी उपलब्ध आहे.

या भरतीसाठी 12 वी उत्तीर्ण उमेदवार पात्र आहेत. याशिवाय संबंधित ट्रेडमध्ये आयटीआय प्रमाणपत्र असणे आवश्यक आहे. फिटर, वेल्डर, टर्नर, मॅकनिस्ट, वायरमन, पाइप फिटर, प्लंबर, स्टेनोग्राफर अशा विविध क्षेत्रातील उमेदवार अर्ज करू शकतात. तसेच इंजिनिअरिंग पदवीधर आणि डिप्लोमा धारकांनाही अर्ज करण्याची संधी देण्यात आली आहे.

निवड प्रक्रिया पूर्णपणे गुणवत्तेनुसार होणार असल्याने उमेदवारांनी अर्ज करताना सर्व माहिती अचूक भरावी. एक वर्षाच्या प्रशिक्षण कालावधीत उमेदवारांना रेल्वेतील विविध कामांचे प्रशिक्षण दिले जाणार आहे.