पोलिसाचा नवा प्रताप, महाविद्यालयीन विद्यार्थ्याला तोंडात रुमाल कोंबून बेदम मारहाण

एज्युवार्ता न्यूज नेटवर्क 

नांदेड शहरात पोलिसाचा (Nanded City Police) नवा प्रताप पाहायला मिळाला आहे. दुचाकी चोरीच्या संशयावरून नीटची तयारी करणाऱ्या एका १८ वर्षीय महाविद्यालयीन विद्यार्थ्याला तोंडात रूमाल कोंबून बेदम मारहाण (Student beaten by police) केल्याचा धक्कादायक प्रकार समोर आला आहे. शहरातील श्रीनगर परिसरातील एका वसतिगृहात ही घटना घडली आहे. पोलीस कर्मचाऱ्याने केलेल्या मारहाणीचा व्हिडिओ सध्या व्हायरल (Video of beating goes viral) झाला असून या घटनेने पोलीस दलात खळबळ उडाली आहे. याप्रकरणी भाग्यनगर पोलिसांनी संबंधित पोलीस कर्मचाऱ्यासह तिघांविरोधात गुन्हा दाखल केला असून पोलीस कर्मचाऱ्याला निलंबित करण्यात आले आहे. 

नांदेडच्या माहूर तालुक्यातील आसोली येथील प्रथमेश पुरी हा १८ वर्षीय विद्यार्थी नांदेडमध्ये नीट परीक्षेची तयारी करत आहे. शहरातील श्रीनगर भागातील एका हॉस्टेलमध्ये तो राहतो. पोलीस कर्मचारी आकाश सावंत हा क्षितिज कांबळे आणि श्रावण नामक मित्रासोबत वसतिगृहात आला. मोटारसायकल आणि सोन्याची चेन चोरी केली का? असे विचारून तिघांनी प्रथमेश याला बाहेर नेले. अशोकनगर, गोकुळनगर, आसना नदी परिसरात नेऊन त्याला बेदम मारहाण केली. त्यानंतर दुसऱ्या दिवशी पुन्हा पोलीस कर्मचारी तिघे जण हॉस्टेलवर आले. एका रूममध्ये नेले आणि प्रथमेश याच्या तोंडात रुमालाचा बोळा कोंबून त्याला काठीने बेदम मारहाण केली, असा आरोप तक्रारीमध्ये करण्यात आला आहे. 

संबंधित प्रकरणातील मुख्य आरोपी पोलीस क्षितिज कांबळे हा आरसीपीमध्ये कार्यरत होता. तपासाचे कुठलेही अधिकार नसताना त्याने हे कृत्य केले. काठीने मारहाण करणारा आकाश सावंत हा एका खाजगी बँकेत कार्यरत आहे. पोलीस दलात कार्यरत असून ही तो ड्युटीवर सतत गैरहजर राहत होता. आपली दहशत निर्माण कारणासाठी त्याने हे कृत्य केल्याची माहिती पोलीस अधीक्षक अबिनाश कुमार यांनी दिली.