NEET PG परीक्षेतील इव्हॅल्युएशनच्या प्रक्रियेत बदल 

एज्युवार्ता न्युज नेटवर्क 

NEET PG परीक्षेत यंदा इव्हॅल्युएशन प्रक्रियेत बदल (Changes in the process of evaluation) करण्याचा निर्णय (decision) घेण्यात आला आहे.नॅशनल बोर्ड ऑफ एक्झामिनेशन इन मेडिकल सायन्सेसने (NBEMS) हा निर्णय घेतला आहे. दिल्लीच्या ऑल इंडिया इन्स्टिट्यूट ऑफ मेडिकल सायन्सेस (AIIMS Delhi) मध्ये वापरण्यात येणारी पद्धत आता NEET PG साठीही वापरली जाईल, असे NBEMS ने त्यांच्या निवेदनात म्हटले आहे. 

एम्स प्रवेश परीक्षेच्या एकाधिक शिफ्टच्या नियमांनुसार, "अर्जदारांना वेगवेगळ्या गटांमध्ये अशा प्रकारे विभागले जाईल की, हे गट अंदाजे समान संख्येने असतील म्हणजेच प्रत्येक गटात समान संख्येने उमेदवार असतील. याशिवाय उमेदवारांच्या वितरणामध्ये कोणताही पक्षपात होणार नाही. कारण देशभरात मोठ्या संख्येने परीक्षार्थी असल्याने पक्षपाताची शक्यता नाहीशी झाली आहे असे NBEMS ने म्हटले आहे. 

नियमांनुसार, प्रत्येक शिफ्टसाठी NEET PG परीक्षेचे निकाल प्रत्येक विषयासाठी स्वतंत्रपणे तात्पुरते स्कोअर आणि टक्केवारी स्वरूपात तयार केले जातील. एकूण टक्केवारी ही वैयक्तिक विषयांच्या टक्केवारीची बेरीज किंवा सरासरी असणार नाही. तर पर्सेंटाइल स्कोअर हा परीक्षेत बसलेल्या सर्व उमेदवारांची सापेक्ष कामगिरी असेल. त्यांना मिळालेले गुण प्रत्येक परीक्षार्थींच्या गटासाठी (शिफ्ट) 100 ते 0 या स्केलमध्ये रूपांतरित केले जातात. म्हणून, NEET टक्केवारी स्कोअर परीक्षेत विशिष्ट टक्केवारीच्या बरोबरीने किंवा कमी गुण मिळविलेल्या उमेदवारांची टक्केवारी दर्शवेल. तसेच प्रत्येक गटातील टॉपरला 100 पर्सेंटाइल मिळेल, अशी माहिती NBEMS ने दिली आहे.