मुंबई विद्यापीठातील अनियमित नियुक्ती पुन्हा एकदा ऐरणीवर; राज्य शासनाकडून चौकशी समितीची स्थापना
सावित्रीबाई फुले पुणे विद्यापीठाचे माजी कुलगुरू नितीन करमळकर यांच्या अध्यक्षतेखालील तीन सदस्य समिती आता या नियुक्तीची चौकशी करणार आहे.
eduvarta@gmail.com 
एज्युवार्ता न्यूज नेटवर्क
मुंबई विद्यापीठात (Mumbai University) 2009 ते 2013 दरम्यान करण्यात आलेल्या अपात्र अधिकार्यांच्या (Disqualified officer) नियुक्तीचा प्रश्न पुन्हा एकदा ऐरणीवर आला आहे. राज्य शासनाने (state government) या अधिकार्यांच्या चौकशीसाठी एक पॅनल स्थापन (Panel installation) केले आहे. सावित्रीबाई फुले पुणे विद्यापीठाचे (Savitribai Phule Pune University) माजी कुलगुरू डॉ.नितीन करमळकर (Nitin Karmalkar) यांच्या अध्यक्षतेखालील तीन सदस्य समिती आता या नियुक्तीची चौकशी (enquiry) करणार आहे.
या नियुक्तीसंदर्भात या आधीही चौकशी झाली होती. मात्र या चौकशीदरम्यान आपली बाजू मांडण्याची संधीही मिळाली नाही, अशी तक्रार आरोपी अधिकार्यांनी केली होती. या पार्श्वभूमीवर राज्य शासनाने नवीन तीन सदस्यीय समितीची स्थापना केली आहे. या समितीला अधिकाऱ्यांचे म्हणणे ऐकून महिनाभरात अहवाल सादर करण्याचे काम देण्यात आले आहे.
दरम्यान, मुंबई विद्यापीठात आवश्यक पात्रता नसतानाही 2009 ते 2013 दरम्यान या आरोपी अधिकाऱ्यांना उपनिबंधक (DR) आणि सहाय्यक निबंधक (AR) म्हणून नियुक्त केल्याचा आरोप विद्यापीठावर होत आहे. या नियुक्त्या विद्यापीठाने जारी केलेल्या तीन जाहिरातींवर आधारित होत्या.
