'सीटीईटी'साठी आजपासून अर्ज प्रक्रिया सुरु, सविस्तर वेळापत्रक जाहीर

एज्युवार्ता न्यूज नेटवर्क

केंद्रीय शिक्षक पात्रता परीक्षा २०२६ चे (CTET) २०२६ वेळापत्रक केंद्रीय माध्यमिक शिक्षण मंडळाने (CBSE) जाहीर केले आहे. यंदा मुख्य परीक्षा रविवारी, ६ सप्टेंबर २०२६ रोजी देशभरात आयोजित करण्यात येणार आहे. अर्ज प्रक्रिया (Application process started) आज दि. ११ मे २०२६ सुरू झाली असून, इच्छुक उमेदवार १० जून २०२६ पर्यंत ऑनलाइन अर्ज करू (We will apply online by June 10) शकतात.

सीटीईटी परीक्षेत पेपर १ (वर्ग १ ते ५) आणि पेपर २ (वर्ग ६ ते ८) असे दोन पेपर असतील. यावर्षी परीक्षा २७ भाषांमध्ये घेण्यात येणार असून, देशातील १३२ शहरांमध्ये केंद्रे उपलब्ध असतील. अर्जदारांच्या संख्येनुसार ५ सप्टेंबर २०२६ (शनिवार) रोजीही अतिरिक्त परीक्षा घेण्यात येऊ शकते, असे CBSE ने स्पष्ट केले आहे. अर्ज प्रक्रिया पूर्णपणे ऑनलाइन असून, अधिकृत वेबसाइट्स https://ctet.nic.in/ आणि https://www.cbse.gov.in/ वर अर्ज करता येईल. 

अर्ज सुरू प्रक्रिया आज सोमवार दि. ११ मे २०२६ पासून सुरु करण्यात आली आहे. अर्ज करण्याची शेवटची तारीख ही १० जून २०२६ पर्यंत असेल. अर्ज शुल्क भरण्याची शेवटची तारीख १० जून आहे. अर्जात दुरुस्ती १५ ते १८ जून २०२६ या कालावधीत असेल. प्रवेशपत्र परीक्षेच्या दोन दिवस अगोदर उपलब्ध केले जातील.परीक्षा रविवार ६ सप्टेंबर २०२६ रोजी घेण्यात येईल. निकाल अंदाजित ऑक्टोबर महिन्यात लागेल. 

यावर्षी उमेदवारांना परीक्षेचे शहर निवडण्याची कोणतीही सुविधा उपलब्ध नाही. CBSE कडून शहर यादृच्छिक (रँडम) पद्धतीने वाटप करण्यात येईल. वाटप केलेल्या शहरात बदल करण्याची कोणतीही विनंती स्वीकारली जाणार नाही, असे बोर्डाने स्पष्ट केले आहे. उमेदवारांनी अर्ज भरताना आपल्या सोयीच्या शहराची अपेक्षा न ठेवता, उपलब्ध तारखांनुसार अर्ज करावा, असे आवाहन करण्यात आले आहे.