दहवी उत्तीर्णांसाठी नोकरीची सुवर्णसंधी, ना परीक्षा ना मुलाखत थेट रेल्वेत नोकरी

एज्युवार्ता न्यूज नेटवर्क

सरकारी नोकरीच्या शोधात असलेल्या दहावी उतीर्ण तरुणांसाठी एक महत्त्वाची अपडेट समोर आली आहे. विशेष म्हणजे या भरती प्रक्रियेसाठी (Railway Recruitment Process) कोणताही लेखी परीक्षा किंवा मुलाखत घेतली जाणार नसल्याने थेट नोकरीची संधी मिळणार आहे. यासाठी दक्षिण पूर्व मध्ये रेल्वेने (SECR) जाहिरात प्रसिद्ध केली आहे. त्यानुसार र्ष 2026-27 साठी ट्रेड अप्रेंटिसच्या 1644 पदांची भरती (Recruitment for 1,644 Posts) करण्यात येणार आहे. इच्छुक आणि पात्र उमेदवार रेल्वेचे अधिकृत संकेतस्थळ apprenticeshipindia.gov.in वर जाऊन ऑनलाइन पद्धतीने अर्ज भरू शकतात. अर्ज भरण्याची अंतिम मुदत ४ जून (Deadline For 4 June) पर्यंत देण्यात आली आहे. 

या भरती मोहिमेअंतर्गत फिटर, वेल्डर, इलेक्ट्रीशियन, मशिनिस्ट, मेकॅनिक यासाह अनेक पदांसाठी भरती सुरू करण्यात येत आहे. या पदांसाठी उमेदवारांना कोणतीही मुलाखत किंवा कोणतीही लेखी परीक्षा द्यावी लागणार नाहीये. उमेदवरांची निवड थेट गुणवत्तेच्या आधारवर केली जाणार आहे. तसेच ही भरती रायपूर विभागासाठी आणि वॅगन रिपेअर शॉपसाठी करण्यात येणार आहे.

रेल्वे भरतीच्या या पदासांठी अर्ज करण्यासाठी उमेदवाराने मान्यताप्राप्त बोर्डातून दहावी उर्तीण केलेली असावी. तसेच उमेदवाराचे किमान 50 % गुण असणे अनिवार्य आहे. सोबतच उमेदवाराचे वय किमान 15 वर्षे आणि कमाल 24 वर्ष असावे आणि संबंधित ट्रेडमधील SCVT किंवा NCVT द्वारे मान्यताप्राप्त ITI प्रमाणपत्र असणे देखील आवश्यक आहे.

या भरतीसाठी कोणतीही लेखी परीक्षा किंवा मुलाखत होणार नाहीये. उमेदवारांची गुणवत्ता ही त्यांच्या इयत्ता दहावी आणि आयटीआयच्या गुणांवर आधारित असेल, ज्यामध्ये प्रत्येकाला 50 टक्के असणे अनिवार्य आहे.  त्यानंतर निवड झालेल्या उमेदवारांना कागदपत्र पडताळणी आणि वैद्यकीय चाचणीसाठी बोलावले जाईल. 

असा करता येणार अर्ज?

या नोकरीसाठी अर्ज करण्यासाठी सर्वप्रथम अप्रेंटिसशिप इंडिया पोर्टल apprenticeshipindia.gov.in वर जा. तिथे स्वतःची नोंदणी करा आणि लॉगिन आयडी तयार करा. त्यानंतर 'Establishment Search' वर जाऊन SECR रायपूर शोधा. तुमच्या संबंधित ट्रेडसमोर दिलेल्या 'Apply' बटणावर क्लिक करा. अर्जामध्ये आवश्यक माहिती भरा. नंतर दहावीची गुणपत्रिका, आयटीआय प्रमाणपत्र, आधार कार्ड, फोटो आणि सही अपलोड करा. सर्व तपशील तपासून फॉर्म सादर करा आणि अर्जाच्या फॉर्मची प्रिंट आउट काढून ठेवा.