SSC CHSL 2024  साठी अर्ज सुरू, 3712 पदांवर भरती  प्रक्रिया राबवली जाणार

एज्युवार्ता न्यूज नेटवर्क 

तुम्ही बारावी उत्तीर्ण झाला असाल आणि सरकारी नोकरीच्या शोधात असाल तर तुमच्यासाठी ही आनंदाची बातमी आहे. कर्मचारी निवड आयोगाने SSC CHSL 2024 साठी 3 हजार 712 पदांवर भरती (Recruitment for 3712 posts) प्रक्रिया सुरु केली आहे. त्यासाठी अर्ज प्रक्रिया सुरू (Start the application process) झाली असून, उमेदवार SSC च्या अधिकृत वेबसाइट ssc.gov.in वर अर्ज करू शकतात. अर्ज करण्याची अंतिम तारीख 7 मे पर्यंत देण्यात आली आहे. याशिवाय, आयोगाने या भरतीसाठी टियर 1 परीक्षेची तारीखही जाहीर केली आहे.

SSC CHSL 2024 द्वारे एकूण 3712 पदांची भरती केली जाईल. एकूण पदांमध्ये LDC, JSA आणि DEO आणि इतर अनेक पदांचा समावेश आहे. यासाठी जून-जुलैमध्ये टियर 1 परीक्षा आयोजित केली जाईल. उमेदवार विहित नमुन्यातील अर्ज अंतिम तारखेला किंवा त्यापूर्वी करू शकतात.

ग्राहक मंत्रालयातील डेटा एंट्री ऑपरेटर (DEO)/DEO ग्रेड 'A' च्या पदांसाठी, उमेदवाराने 12 वी उत्तीर्ण असणे अनिवार्य आहे. तर LDC/JSA आणि DEO/DEO ग्रेड 'A' साठी, उमेदवार इंटरमिजिएट उत्तीर्ण असावा. अधिक पात्रता संबंधित माहितीसाठी, उमेदवार जारी केलेली अधिकृत अधिसूचना तपासू शकतात. वयोमर्यादा – किमान वय १८ वर्षे आणि कमाल २७ वर्षे ठेवण्यात आली आहे. OBC उमेदवारांना उच्च वयोमर्यादेत 3 वर्षांची आणि SC आणि ST साठी 5 वर्षांची सूट देण्यात आली आहे.

अर्ज कसा करावा?
सर्वप्रथम SSC ssc.gov.in च्या अधिकृत वेबसाइटवर जा. होम पेजवर दिलेल्या Apply टॅबवर क्लिक करा. आता तपशील प्रविष्ट करून नोंदणी करा. कागदपत्रे अपलोड करा आणि शुल्क जमा करा. नंतर अर्ज सबमिट करा.

निवड प्रक्रिया कशी असणार?
SSC CHSL 2024 द्वारे अर्जदारांची तीन टप्प्यांत निवड केली जाईल. टियर 1, टियर 2 परीक्षा आणि दस्तऐवज पडताळणी. टियर 1 सीबीटी मोडमध्ये असेल आणि वस्तुनिष्ठ प्रकारचे प्रश्न विचारले जातील. यशस्वी उमेदवार टियर 2 परीक्षेत बसतील. टियर 1 परीक्षा जून-जुलै 2024 मध्ये घेतली जाईल.