UPSC नागरी सेवेसाठी ऑनलाइन अर्ज प्रणालीमध्ये बदल!
ऑनलाइन अर्ज भरण्यासाठी वन - टाइम नोंदणीमध्ये काही नोंदी संपादनयोग्य करण्यात आल्या आहेत. नागरी सेवा प्राथमिक परीक्षा, २०२५ साठी ऑनलाइन अर्ज भरताना उमेदवारांनी उपस्थित केलेल्या अडचणी लक्षात घेता, आयोगाने ऑनलाइन अर्ज भरण्यासाठी एक-वेळ नोंदणी (OTR) मध्ये बदल करण्याचा निर्णय घेतला आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (Union Public Service Commission) UPSC नागरी सेवा प्राथमिक परीक्षेसाठी (Civil Services Preliminary Examination) अर्ज करताना तांत्रिक बिघाड झाल्याच्या तक्रारी आल्यानंतर, त्यांच्या ऑनलाइन अर्ज प्रणालीमध्ये काही बदल केले आहेत. (Some changes have been made to the online application system)
यूपीएससीने आपल्या निवेदनात म्हटले आहे की, ऑनलाइन अर्ज भरण्यासाठी वन - टाइम नोंदणीमध्ये काही नोंदी संपादनयोग्य करण्यात आल्या आहेत. नागरी सेवा प्राथमिक परीक्षा, २०२५ साठी ऑनलाइन अर्ज भरताना उमेदवारांनी उपस्थित केलेल्या अडचणी लक्षात घेता, आयोगाने ऑनलाइन अर्ज भरण्यासाठी एक-वेळ नोंदणी (OTR) मध्ये बदल करण्याचा निर्णय घेतला आहे.
उमेदवारांना ओटीआरमध्ये नाव (दहावीच्या वर्गानुसार), जन्मतारीख, वडिलांचे नाव, आईचे नाव, मोबाईल नंबर आणि ईमेल आयडीशी संबंधित कॉलममध्ये कोणतेही बदल करण्याची परवानगी नाही. जर एखाद्या उमेदवाराने त्याचा नोंदणीकृत मोबाईल नंबर बदलला असेल परंतु त्याच्याकडे नोंदणीकृत ईमेल आयडी असेल, तर तो मोबाईल नंबर बदलण्यासाठी अर्ज करू शकतो. या प्रकरणात ईमेल आयडीवर एक ओटीपी पाठवला जाईल.
दरवर्षी यूपीएससीकडून नागरी सेवा परीक्षा तीन टप्प्यात घेतली जाते - प्राथमिक, मुख्य आणि मुलाखत. याद्वारे, भारतीय प्रशासकीय सेवा, भारतीय परराष्ट्र सेवा आणि भारतीय पोलिस सेवा (आयपीएस) च्या अधिकाऱ्यांची निवड केली जाते.
