निवडणूक आयोगाच्या SIR मोहिमेचा पहिला बळी? पुण्यात BLO प्राध्यापकाचा अपघाती मृत्यू
मिळालेल्या माहितीनुसार, ज्ञानेश्वर रोटे हे दुचाकीवरून उपजिल्हाधिकाऱ्यांच्या बैठकीसाठी जात होते. दरम्यान, त्यांची दुचाकी घसरून अपघात झाला. गंभीर जखमी अवस्थेत त्यांना तातडीने रुग्णालयात दाखल करण्यात आले, मात्र उपचारादरम्यान त्यांचा मृत्यू झाला. पुणे पोलिसांनी या प्रकरणी आकस्मिक मृत्यूची नोंद केली असून पुढील तपास सुरू आहे.
eduvarta@gmail.com 
एज्युवार्ता न्यूज नेटवर्क
निवडणूक आयोग (ECI) यांच्या एसआयआर (Special Intensive Revision) मतदार यादी पुनर्निरीक्षण मोहिमेदरम्यान पुण्यातील एका बीएलओ प्राध्यापकाचा अपघाती मृत्यू (Professor Dies in Accident) झाल्याने खळबळ उडाली आहे. वडगाव शेरी मतदारसंघात बूथ लेव्हल ऑफिसर (BLO) म्हणून काम करणारे प्राध्यापक ज्ञानेश्वर रोटे (वय ४०) यांचा बैठकीला जाताना झालेल्या अपघातात मृत्यू झाला. ही घटना धानोरी-लोहगाव रस्त्यावर घडली.
मिळालेल्या माहितीनुसार, ज्ञानेश्वर रोटे हे दुचाकीवरून उपजिल्हाधिकाऱ्यांच्या बैठकीसाठी जात होते. दरम्यान, त्यांची दुचाकी घसरून अपघात झाला. गंभीर जखमी अवस्थेत त्यांना तातडीने रुग्णालयात दाखल करण्यात आले, मात्र उपचारादरम्यान त्यांचा मृत्यू झाला. पुणे पोलिसांनी या प्रकरणी आकस्मिक मृत्यूची नोंद केली असून पुढील तपास सुरू आहे.
रोटे हे नियमितपणे बीएलओ म्हणून मतदार यादी पुनर्निरीक्षणाचे काम करत होते. SIR मोहिमेअंतर्गत मतदार यादी अद्ययावत करण्यासाठी मोठ्या प्रमाणावर काम सुरू असून, त्यासाठी शिक्षक आणि स्थानिक कर्मचाऱ्यांवर अतिरिक्त जबाबदाऱ्या सोपवण्यात आल्या आहेत.
दरम्यान, या घटनेनंतर शिक्षक संघटनांनी तीव्र संताप व्यक्त केला आहे. त्यांच्या मते, SIR मोहिमेमुळे तळागाळातील शिक्षक आणि कर्मचाऱ्यांवर प्रचंड कामाचा ताण वाढला आहे. “लक्ष्य पूर्ण करण्यासाठी रात्रंदिवस काम, सतत बैठका आणि वरिष्ठांकडून दबाव टाकला जात आहे. ही केवळ अपघाताची घटना नसून कामाच्या अतोनात ताणाची परिणती आहे,” असा आरोप शिक्षक प्रतिनिधींनी केला.
