एसएससी सीजीएल परीक्षेचा अंतिम निकाल जाहीर, निकाल 'असा' करा डाउनलोड

एज्युवार्त न्यूज नेटवर्क 

सीजीएल (CGL) भरती परीक्षेला बसलेल्या उमेदवारांसाठी एक महत्त्वाची बातमी आहे. कर्मचारी निवड आयोगाने (SSC) सीजीएल २०२६ भरती (CGL 2026 Recruitment) परीक्षेचा अंतिम निकाल जाहीर (Final Results Announced) केला आहे. परीक्षेला बसलेले सर्व उमेदवार आता SSC च्या अधिकृत संकेतस्थळ ssc.gov.in वर जाऊन निकाल आणि कटऑफ यादी पाहू शकतात. एसएससीने सीजीएल परीक्षेचा निकाल पीडीएफ स्वरूपात प्रसिद्ध केला आहे.

असा डाउनलोड करा निकाल 

सीजीएल अंतिम परीक्षेचा निकाल डाउनलोड करण्यासाठी, उमेदवारांनी सर्वप्रथम एसएससीच्या अधिकृत वेबसाइट ssc.gov.in ला भेट द्यावी. यानंतर, वेबसाइटच्या होमपेजवरील 'नोटीस बोर्ड' विभागावर क्लिक करा. आता 'SSC CGL Final Result 2026' या लिंकवर क्लिक करा. लिंकवर क्लिक केल्यानंतर, निकाल तुमच्या स्क्रीनवर पीडीएफ स्वरूपात उघडेल. त्यानंतर निकाल डाउनलोड करून त्याची प्रिंट आऊट घ्या. 

एसएससीने सीजीएल परीक्षेची कटऑफ यादी देखील जाहीर केली आहे. उमेदवार श्रेणीनुसार कटऑफ यादी तपासू शकतात. एसएससीने सीजीएल टियर -१ साठी १२ ते २६ सप्टेंबर २०२५ दरम्यान परीक्षा घेतली. टियर १ परीक्षेत पात्र ठरलेल्या उमेदवारांसाठी, १९ जानेवारी २०२६ रोजी टियर २ परीक्षा घेण्यात आली. टियर २ परीक्षेची अंतिम उत्तरतालिका ३० जानेवारी २०२६ रोजी प्रसिद्ध करण्यात आली. त्यानंतर आता या परीक्षेचा अंतिम निकाल प्रसिद्ध करण्यात आला आहे.