दहावी उत्तीर्णांना सरकारी नोकरीची संधी; उत्तर रेल्वेमध्ये ४,६५१ अप्रेंटिस पदांची मोठी भरती सुरू
उत्तर रेल्वेने शिकाऊ उमेदवारांसाठी मोठ्या प्रमाणात भरती जाहीर केली आहे. एकूण ४ हजार ६५१ अप्रेंटिस पदांसाठी अधिसूचना प्रसिद्ध झाली असून, सरकारी नोकरीचे स्वप्न पाहणाऱ्या तरुणांसाठी ही महत्त्वाची संधी ठरली आहे. लखनौ, दिल्ली, फिरोजपूर, मोरादाबाद, अंबाला आणि जम्मू अशा विविध क्लस्टर्समध्ये ही पदे उपलब्ध आहेत.
Eduvarta
एज्युवार्ता न्यूज नेटवर्क
उत्तर रेल्वेने शिकाऊ उमेदवारांसाठी मोठ्या प्रमाणात भरती जाहीर केली आहे. एकूण ४ हजार ६५१ अप्रेंटिस पदांसाठी अधिसूचना प्रसिद्ध झाली असून, सरकारी नोकरीचे स्वप्न पाहणाऱ्या तरुणांसाठी ही महत्त्वाची संधी ठरली आहे. लखनौ, दिल्ली, फिरोजपूर, मोरादाबाद, अंबाला आणि जम्मू अशा विविध क्लस्टर्समध्ये ही पदे उपलब्ध आहेत. लखनौ क्लस्टरमध्ये सर्वाधिक १ हजार ५२५, दिल्लीत १ हजार ३१२, अंबालात ९७९, फिरोजपूरमध्ये ७४०, मोरादाबादमध्ये ६३ तर जम्मू क्लस्टरमध्ये ३२ जागा आहेत.
या भरतीसाठी वयोमर्यादा १५ ते २४ वर्षे ठेवण्यात आली आहे. उमेदवारांनी मान्यताप्राप्त मंडळातून दहावी किंवा समकक्ष परीक्षा किमान ५० टक्के गुणांसह उत्तीर्ण केलेली असावी. तसेच संबंधित ट्रेडमध्ये भारत सरकार मान्यताप्राप्त एनसीव्हीटी किंवा एससीव्हीटी संस्थेकडून आयटीआय प्रमाणपत्र असणे अनिवार्य आहे. केवळ दहावी उत्तीर्ण नसलेल्यांना नव्हे, तर आयटीआय पात्रता असलेल्यांनाच अर्ज करता येईल.
निवड प्रक्रियेत कोणतीही लेखी परीक्षा किंवा मुलाखत घेतली जाणार नाही. दहावी आणि आयटीआय परीक्षेतील गुणांच्या आधारे गुणवत्ता यादी तयार करून उमेदवारांची निवड केली जाईल. त्यामुळे गुणवत्तेनुसार थेट संधी मिळणार असल्याने अनेक तरुणांसाठी ही प्रक्रिया सोपी आणि आकर्षक ठरली आहे.
ऑनलाइन अर्ज प्रक्रिया ११ नोव्हेंबर २०२६ रोजी सुरू झाली असून, अंतिम मुदत ११ डिसेंबर २०२६ आहे. इच्छुक उमेदवारांनी उत्तर रेल्वेच्या अधिकृत आरआरसी-एनआर वेबसाइटवर जाऊन नोंदणी पूर्ण करावी. अर्ज करण्यापूर्वी अधिकृत अधिसूचना काळजीपूर्वक वाचावी.
पदनिहाय पात्रता, ट्रेडनुसार जागा, अर्ज शुल्क आणि इतर अटींची सविस्तर माहिती अधिसूचनेत दिलेली आहे. वेळेत अर्ज करून ही संधी साधण्याचे आवाहन अधिकाऱ्यांनी केले आहे.
