शिक्षणतज्ज्ञ डॉ. जे. पी. नाईक यांच्या नावे यंदापासून प्राध्यापकांसाठी पुरस्कार
पाटील यांच्या हस्ते ज्येष्ठ शास्त्रज्ञ डॉ. रघुनाथ माशेलकर, डॉ. के. एच. संचेती, सिंबायोसिसचे संस्थापक डॉ. शां. ब. मुजुमदार, गिरीश प्रभुणे, लेफ्टनंट जनरल डी. बी. शेकटकर यांच्यासह ज्येष्ठ मान्यवरांचा सन्मान करण्यात आले.
eduvarta@gmail.com 
एज्युवार्ता न्यूज नेटवर्क
भारत सरकारचे आणि युनेस्कोचे शिक्षण सल्लागार, ख्यातनाम शिक्षणतज्ज्ञ, पद्मभूषण डॉ. जे. पी. नाईक (Dr. J. P. Naik) यांच्या योगदानाबद्दलची कृतज्ञता म्हणून यंदापासून प्राध्यापकांसाठी (Professor) स्वतंत्र पुरस्कार सुरू करण्यात येईल, अशी घोषणा राज्याचे उच्च व तंत्रशिक्षण मंत्री चंद्रकांत पाटील (Chandrakant Patil) यांनी केली आहे.
गुरुपौर्णिमेच्या निमित्ताने आयोजित करण्यात आलेल्या कार्यक्रमात पाटील बोलत होते. कार्यक्रमात पाटील यांच्या हस्ते ज्येष्ठ शास्त्रज्ञ डॉ. रघुनाथ माशेलकर, डॉ. के. एच. संचेती, सिंबायोसिसचे संस्थापक डॉ. शां. ब. मुजुमदार, गिरीश प्रभुणे, लेफ्टनंट जनरल डी. बी. शेकटकर, अखिल भारतीय मराठी साहित्य संमेलनाचे माजी अध्यक्ष डॉ. सदानंद मोरे, डॉ. अशोक कामत, नॅनो शास्त्रज्ञ डॉ. सुलभा कुलकर्णी, प्रख्यात गिर्यारोहक उष:प्रभा पागे, ज्येष्ठ वनस्पती शास्त्रज्ञ प्रा. डॉ. श्री. द. महाजन, हॉर्वर्ड विद्यापीठातील गणिताचे संशोधक डॉ. रवींद्र कुलकर्णी, शेतीतज्ज्ञ डॉ. दत्तात्रय बापट, कीर्तनकार मोरेश्वरबुवा जोशी, डेक्कन कॉलेज अभिमत विद्यापीठाचे डॉ. गो. बं. देगलूरकर यांचा सत्कार करण्यात आला.
वैद्यकीय शिक्षण विभागाच्या परीक्षेत घोटाळा? परीक्षा केंद्र ‘मॅनेज’ करून गुण वाढविल्याचे पुरावे
डॉ. माशेलकर यांनी मनोगत व्यक्त करताना भारतरत्न अटल बिहारी वाजेपेयींच्या आठवणींना उजाळा दिला. तसेच शिक्षकांना समाजात सन्मान मिळाले पाहिजे, अशी भावनासुद्धा व्यक्त केली. त्यांची ही इच्छा आज्ञा मानून आगामी काळात उच्च माध्यमिक शिक्षण क्षेत्रात उल्लेखनीय कार्य करणाऱ्या गुरुजनांचा शिक्षक दिनी सन्मान करण्यासाठी पाठपुरावा करु, अशी ग्वाही दिल्याचे पाटील यांनी सांगितले.
विद्या प्रबोधिनी व पुनर्निर्माण सोशल फाऊंडेशन या संस्थांच्या वतीने कार्यक्रमाचे आयोजन करण्यात आले. डॉ. माशेलकर आणि डॉ. मुजुमदार यांनी सत्काराला उत्तर देणारे मनोगत व्यक्त केले. भालचंद्र कुलकर्णी यांनी शेवटी आभार मानले.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
