चौथी व सातवी शिष्यवृत्ती परीक्षेची अंतरिम उत्तरसूची जाहीर
परीक्षा परिषदेच्या www.mscepune.in व https://puppssmsce.in या संकेतस्थळावर अंतरिम उत्तर सूची उपलब्ध आहे. विद्यार्थी , मार्गदर्शक, शिक्षक,पालक,शाळा आणि क्षेत्रीय अधिकारी यांच्या माहितीसाठी ही उत्तर सूची उपलब्ध करून देण्यात आले आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेण्यात आलेल्या इयत्ता चौथी व सातवी शिष्यवृत्ती परीक्षेची अंतरिम उत्तरसूची परीक्षा परिषदेच्या संकेतस्थळावर उपलब्ध करून देण्यात आली आहे. उत्तरसूची वरील आक्षेप येत्या 7 मे ते 14 मे या कालावधीत ऑनलाइन पद्धतीने स्वीकारले जाणार आहेत, असे परीक्षा परिषदेच्या आयुक्त अनुराधा ओक यांनी प्रसिद्धी पत्रकाद्वारे कळविले आहे.
महाराष्ट्र राज्य परीक्षा परिषदेतर्फे 26 एप्रिल रोजी राज्यातील विविध परीक्षा केंद्रांवर इयत्ता चौथी व सातवीची शिष्यवृत्ती परीक्षा घेण्यात आली. या परीक्षेच्या उत्तरसूचीवरील आक्षेप केवळ ऑनलाइन पद्धतीने स्वीकारले जाणार आहेत ऑफलाइन पद्धतीने आक्षेप स्वीकारले जाणार नाहीत. त्यामुळे टपाल किंवा समक्ष कोणत्याही प्रकारचे निवेदन दिल्यास त्याचा विचार केला जाणार नाही. तसेच 14 मे नंतर प्राप्त होणाऱ्या आक्षेपांचा विचार केला जाणार नाही.
परीक्षा परिषदेच्या www.mscepune.in व https://puppssmsce.in या संकेतस्थळावर अंतरिम उत्तर सूची उपलब्ध आहे. विद्यार्थी , मार्गदर्शक, शिक्षक,पालक,शाळा आणि क्षेत्रीय अधिकारी यांच्या माहितीसाठी ही उत्तर सूची उपलब्ध करून देण्यात आले आहे.
