नवोदय विद्यालयात सहावीच्या प्रवेशासाठी अर्ज प्रक्रिया सुरू

एज्युवार्ता न्यूज नेटवर्क 

 नवोदय विद्यालय समिती (Navodaya Vidyalaya Samiti) (एनव्हीएस) ने जवाहर नवोदय विद्यालयाच्या सहावीच्या जागांसाठी अर्ज प्रक्रिया सुरू केली आहे. (Application process for class 6 of Jawahar Navodaya Vidyalaya begins) शैक्षणिक सत्र २०२६-२७ च्या जागांसाठी ही अर्ज प्रक्रिया सुरू करण्यात आली आहे. इच्छुक मुलांचे पालक २९ जुलैपर्यंत प्रवेशासाठी अर्ज करू शकतात. नवोदयच्या सहावीच्या जागांसाठी प्रवेश परीक्षेच्या आधारे केला जातो.

जवाहर नवोदय विद्यालयाच्या सहावीच्या जागांसाठी प्रवेशासाठी इच्छुक मुलांच्या पालकांना ऑनलाइन अर्ज करावा लागेल. अर्ज ऑनलाइन cbseitms.rcil.gov.in या अधिकृत वेबसाइटवर करता येईल. शैक्षणिक सत्र २०२६-२७ मध्ये प्रवेशासाठी प्रवेश परीक्षा दोन टप्प्यात घेतल्या जातील. प्रवेशासाठी परीक्षेचा पहिला टप्पा १३ डिसेंबर २०२५ रोजी प्रस्तावित आहे, तर परीक्षेचा दुसरा टप्पा ११ एप्रिल २०२६ रोजी घेण्यात येईल.

जवाहर नवोदय विद्यालयाच्या इयत्ता ६ वी मध्ये प्रवेशासाठी वयोमर्यादा निश्चित करण्यात आली आहे. ज्या अंतर्गत फक्त १० ते १२ वर्षे वयोगटातील मुलेच इयत्ता ६ वी मध्ये प्रवेशासाठी अर्ज करू शकतात. वयोमर्यादा १ मे २०१४ ते ३१ जुलै २०१६ पर्यंत मोजली जाईल. म्हणजेच, मुलाचा जन्म त्या दरम्यान झाला असावा.

 जवाहर नवोदय विद्यालयाच्या इयत्ता ६ वी मध्ये प्रवेशासाठी इतर पात्रता निकष देखील विहित केलेले आहेत. महत्वाचे म्हणजे संबधित विद्यार्थ्याने ज्या जिल्ह्यातील शाळेतून 5 वी उत्तीर्ण झाला असेल, त्याच जिल्ह्यातील जवाहर नवोदय विद्यालयाच्या सहावीच्या वर्गात त्याल प्रवेशासाठी अर्ज करता येईल. अर्ज करण्यासाठी पासपोर्ट आकाराचा फोटो, मुलाची स्वाक्षरी, आधार कार्ड, निवास प्रमाणपत्र, इयत्ता पाचवीचे प्रमाणपत्र आवश्यक आहे. प्रत्येक जवाहर नवोदय शाळेत इयत्ता सहावीसाठी ८० जागा आहेत.
जवाहर नवोदय विद्यालयात प्रवेशासाठीची परीक्षा १०० गुणांची आहे. २ तासांच्या वेळेच्या मर्यादेत असलेल्या या प्रवेश परीक्षेत अंकगणित, भाषा आणि मानसिक क्षमतेशी संबंधित प्रश्न विचारले जातात. चुकीच्या उत्तरांसाठी कोणतेही नकारात्मक गुण नाहीत. दिव्यांग मुलांना प्रश्नपत्रिका सोडवण्यासाठी अतिरिक्त ४० मिनिटे दिली जातात.