आरोग्य विभागात लवकरच ५ हजार २२३ नवीन पदांची भरती; पदनिर्मितीचा शासन निर्णय प्रसिद्ध

एज्युवार्ता न्यूज नेटवर्क

राज्य सरकारने आरोग्य सेवेच्या बळकटीकरणासाठी महत्त्वाचा निर्णय घेतला आहे. आरोग्य विभागात ५ हजार २२३ नवीन पदे निर्माण (5,223 new posts created) करण्यास मंजुरी देणारा शासन निर्णय जारी (Govt decision issued) करण्यात आला आहे. या निर्णयामुळे राज्यातील अनेक रुग्णालयांमध्ये लवकरच पदभरती प्रक्रिया सुरू (Recruitment process underway) होणार असल्याची माहिती समोर आली आहे. हे नवीन पदनिर्मितीचे धोरण मुख्यतः राज्यातील २५९ रुग्णालयासाठी लागू करण्यात आले आहे. या निर्णयामुळे आरोग्य सुविधा वाढवण्यासोबतच रोजगाराच्या संधीही उपलब्ध (Employment opportunities available) होणार आहेत.

नवीन पदांमध्ये वैद्यकीय अधिकारी, परिसेविका, अधिपरिचारिका, रक्तपेढी तंत्रज्ञ, क्ष-किरण तंत्रज्ञ, प्रयोगशाळा तंत्रज्ञ, औषध निर्माता यांसारख्या वैद्यकीय आणि तंत्रज्ञ पदांचा समावेश आहे. त्याचबरोबर मुकादम, सफाईगार, शिपाई, सहाय्यक स्वयंपाकी, पहारेकरी, कार्यालयीन अधीक्षक, वरिष्ठ लिपिक, कनिष्ठ लिपिक अशा प्रशासकीय आणि सहाय्यक सेवेतील पदांचाही समावेश करण्यात आला आहे. या भरतीमुळे रुग्णसेवा अधिक दर्जेदार आणि वेगवान होण्यास मदत होईल. राज्यातील विविध जिल्हा रुग्णालये आणि ग्रामीण भागातील उपजिल्हा रुग्णालयांमध्ये क्षमता वाढवण्यात येत आहे. 

राज्यातील २५९ रुग्णालयांमध्ये नवीन पदे निर्माण झाल्याने सेवा विस्तारित होणार आहेत. आरोग्य विभागाच्या अधिकाऱ्यांनी सांगितले की, पदभरतीची कार्यवाही लवकरच सुरू होईल. या भरतीमुळे ग्रामीण आणि शहरी भागातील आरोग्य सेवेत सुधारणा होईल आणि रुग्णांना चांगली उपचार सुविधा उपलब्ध होईल. राज्य सरकार आरोग्य क्षेत्राला प्राधान्य देत असल्याचे या निर्णयातून स्पष्ट दिसून येत आहे.