मुंबई विद्यापीठ : पदव्युतर प्रवेश प्रक्रिया सुरू, चौथ्या वर्षासाठी 'ऑनर्स' पर्याय उपलब्ध..
वेळापत्रकानुसार, नोंदणी प्रक्रिया सुरू करण्यात आली असून विद्यार्थ्यांना २६ मे पर्यंत अर्ज करता येणार आहे. तर कागदपत्रांची पडताळणी २८ मेपर्यंत करण्यात येणार आहे. त्यानंतर २९ मे रोजी सायंकाळी ६ वाजता विद्यार्थ्यांची तात्पुरती गुणवत्ता यादी जाहीर करण्यात येईल.
eduvarta@gmail.com 
एज्युवार्ता न्यूज नेटवर्क
मुंबई विद्यापीठ (Mumbai University) किंवा संलग्न महाविद्यालयात पदवीव्युत्तर (PG) अभ्यासक्रमाला प्रवेश घेऊ इच्छुणाऱ्या उमेदवारांसाठी महत्त्वाची बातमी समोर येत आहे. विद्यापीठाने शैक्षणिक वर्ष २०२६-२७ साठी (Academic year 2026-27) पदव्युत्तर अभ्यासक्रमांच्या (PG Course Admissions) प्रवेशाचे पूर्ण वेळापत्रक जाहीर (Schedule Announced) केले आहे. यंदा प्रथमच राष्ट्रीय शैक्षणिक धोरण (NEP २०२०) नुसार पदवीच्या चौथ्या वर्षासाठी ऑनर्स आणि ऑनर्स विथ रिसर्च चे पर्याय उपलब्ध (Honors options available) झाले आहेत. ही प्रक्रिया पूर्णपणे ऑनलाइन असून, राज्यातील व राज्याबाहेरील विद्यार्थ्यांना https://muadmission.samarth.edu.in या पोर्टलवर अर्ज करता येणार आहेत.
विद्यापीठाकडून प्रसिद्ध करण्यात आलेल्या वेळापत्रकानुसार, नोंदणी प्रक्रिया सुरू करण्यात आली असून विद्यार्थ्यांना २६ मे पर्यंत अर्ज करता येणार आहे. तर कागदपत्रांची पडताळणी २८ मेपर्यंत करण्यात येणार आहे. त्यानंतर २९ मे रोजी सायंकाळी ६ वाजता विद्यार्थ्यांची तात्पुरती गुणवत्ता यादी जाहीर करण्यात येईल. विद्यार्थ्यांना त्यावर काही तक्रारी असतील तर, १ जुन पर्यंत त्या नोंदवता येणार आहेत. व ३ जून रोजी सायंकाळी ६ वाजता पहिली गुणवत्ता यादी प्रसिद्ध करण्यात येईल. पहिल्या यादीसाठी ४ ते ६ जून पर्यंत शुल्क भरावा लागणार आहे. दुसऱ्या गुणवत्ता यादी ८ जून रोजी प्रसिद्ध केली जाईल तर ९ आणि १० जूनला शुल्क भरावा लागणार आहे. त्यानंतर १३ जूनपासून नियमित वर्ग सुरू होणार आहेत.
एनईपी २०२० अंतर्गत विद्यार्थ्यांना १ वर्षीय पीजी डिप्लोमा, २ वर्षीय पदव्युत्तर पदवी, तसेच ४ वर्षीय ऑनर्स/ऑनर्स विथ रिसर्च अभ्यासक्रमांचा पर्याय मिळणार आहे. तीन वर्षांची पदवी पूर्ण केलेल्या विद्यार्थ्यांना चौथ्या वर्षासाठी प्रवेश घेता येईल. ही सुविधा संशोधनाभिमुख करिअरसाठी फायदेशीर ठरेल. मुंबई विद्यापीठाच्या सर्व शैक्षणिक विभाग, संलग्नित महाविद्यालये, स्वायत्त संस्था यांचा समावेश आहे. एमएमएस, एमसीए, एमटेक सारख्या व्यावसायिक अभ्यासक्रमांसाठी CET परीक्षेच्या निकालानुसार स्वतंत्र प्रक्रिया राबवली जाईल. प्रवेश क्षमता, आरक्षण नियम आणि पात्रता निकष काटेकोरपणे पाळले जातील, असे परीक्षा व मूल्यमापन मंडळाच्या संचालिका डॉ. पूजा रौंदळे यांनी सांगितले.
