NIRF रँकिंगमध्ये महाराष्ट्रातील शैक्षणिक संस्थांचा दबदबा

एज्युवार्ता न्यूज नेटवर्क

 केंद्रीय शिक्षण मंत्रालयातर्फे नॅशनल इन्स्टिट्यूशनल रँकिंग फ्रेमवर्क ( National Institutional Ranking Framework -NIRF)जाहीर करण्यात आले असून त्यात पुण्यातील शैक्षणिक संस्थांनी आपला दबदबा कायम ठेवला आहे.स्किल युनिव्हर्सिटीच्या कॅटेगिरीत पुण्यातील सिम्बायोसिस स्किल्स अँड प्रोफेशनल युनिव्हर्सिटीने (Symbiosis Skills & Professional University)देशात प्रथम क्रमांक पटकावला असून डेंटल कॅटेगरीत डॉ. डी.वाय.पाटील विद्यापीठाने (Dr. DY Patil University)देशात पाचवा क्रमांक मिळवला आहे. तसेच लॉ कॅटेगिरी सिम्बॉयसिस लॉ स्कूलने (Symbiosis Law School)पाचवा क्रमांक मिळवला आहे.

केंद्रीय शिक्षण मंत्रालयातर्फे 2024 इंडिया रँकिंग जाहीर करण्यात आले.त्यानिमित्ताने आयोजित कार्यक्रमात केंद्रीय शिक्षा मंत्री धर्मेंद्र प्रधान,केंद्रीय राज्य शिक्षण मंत्री सुकांता मुजुमदार,उच्च शिक्षण विभागाचे प्रधान सचिव के.संजय मूर्ती, यूजीसीचे अध्यक्ष एम जगदीश कुमार, एआयसीटीचे अध्यक्ष टी.जी. सितारामन, एनबीए अध्यक्ष अनिल सहस्रबुद्धे, अनिल नासा, शिक्षण विभागाचे अधिकारी सुनील कुमार बनवाल, गोविंद जयस्वाल यांच्या उपस्थितीत पहिल्या दहा क्रमांक मिळवलेल्या संस्थांच्या प्रमुखांना सन्मानित करण्यात आले.

ओव्हर ऑल रँकिंग मध्ये इंडियन इन्स्टिट्यूट ऑफ टेक्नॉलॉजी बॉम्बे देशात तिसऱ्या क्रमांकावर आहे. इंजीनियरिंग कॅटेगिरी मध्ये इंडियन इन्स्टिट्यूट ऑफ टेक्नॉलॉजी तिसऱ्या क्रमांकावर आहे. तर मॅनेजमेंट इन्स्टिट्यूट कॅटेगिरी मध्ये इंडियन इन्स्टिट्यूट ऑफ मॅनेजमेंट मुंबई सहाव्या क्रमांकावर आहे. त्याचप्रमाणे इंडियन इन्स्टिट्यूट ऑफ टेक्नॉलॉजी बॉम्बे दहाव्या क्रमांकावर आहे.