MHT CET 2024 : LLB 3 वर्ष 1st राऊंडसाठी जागावाटप प्रसिद्ध; उद्यापासून रिपोर्टिंग सुरू

एज्युवार्ता न्यूज नेटवर्क 

महाराष्ट्र राज्य सामायिक प्रवेश परीक्षा (MHT CET) कक्षाकडून  तीन वर्षांच्या LLB अभ्यासक्रमासाठी (LLB Year 3   course) पहिल्या फेरीच्या जागा वाटपाचा निकाल जाहीर (First round seat allotment result announced) करण्यात आला आहे. MH CET LLB 3 वर्ष समुपदेशनासाठी नोंदणी केलेले विद्यार्थी cetcell.mahacet.org या अधिकृत वेबसाइटवरून सीट वाटप यादी तपासू शकतात. पहिल्या यादीमध्ये निवड झालेल्या उमेदवारांना प्रवेश प्रक्रिया पूर्ण करण्यासाठी उद्यापासून म्हणजे 13 ऑगस्ट ते 16 ऑगस्टपर्यंत वाटप केलेल्या संस्थांमध्ये रिपोर्टिंग करावी लागेल. 

पहिल्या फेरीसाठी प्रवेश घेतलेल्या विद्यार्थ्यांची यादी 17 ऑगस्ट रोजी प्रसिद्ध केली जाईल. MH CET LLB जागा वाटपाचा तपशील उमेदवारांना त्यांचा नोंदणी क्रमांक आणि जन्मतारीख याचा वापर करून पाहाता येईल. पसंतीच्या संस्थांमध्ये प्रवेश मिळवण्यासाठी पर्याय एंट्री आणि सीट वाटपासह संपूर्ण CAP प्रक्रिया महत्त्वाची आहे. सीईटी 2024 मध्ये मिळालेल्या रँकवर आधारित जागा वाटप, एक निष्पक्ष आणि पारदर्शक प्रवेश प्रक्रिया सुनिश्चित करते.

दुसऱ्या फेरीसाठीच्या रिक्त जागा १७ ऑगस्टला जाहीर होतील आणि १९ ऑगस्टला जागा वाटपाचा निकाल जाहीर होईल. तिसरी फेरी आणि संस्थात्मक स्तरावरील फेरी 26 ऑगस्टपर्यंत खुले राहतील. त्यामुळे उमेदवारांनी सीईटी सेलच्या अधिकृत संकेतस्थळाला भेट देण्याच आवाहन परीक्षा कक्षाकडून करण्यात आले आहे. 

MH CET LLB 3 वर्ष समुपदेशन तपासण्याचे टप्पे

प्रथम cetcell.mahacet.org या अधिकृत वेबसाइटला भेट द्या. मुख्यपृष्ठावर, प्रवेश 2024 लिंक निवडा. लिंक उघडल्यानंतर, उमेदवारांना त्यांचा सीट वाटप तपासण्यासाठी अभ्यासक्रम निवडावा लागेल. यामध्ये, विद्यार्थ्याला एलएलबी तीन वर्ष या पर्यायावर क्लिक करावे लागेल. तुमचा आवश्यक तपशील भरा आणि सीट वाटप यादी काळजीपूर्वक तपासा.