CTET 2026: सीबीएसई कडून सीटीईटीचा निकाल जाहीर; 'असे' डाउनलोड करा स्कोअरकार्ड
सीबीएसईने फेब्रुवारी २०२६ सीटीईटी परीक्षेचा जाहीर केली आहे. ही परीक्षा ७ आणि ८ फेब्रुवारी २०२६ रोजी देशभरातील सुमारे १४० शहरांमध्ये घेण्यात आली. या परीक्षेत देशभरातील तब्बल २५ लाख उमेदवारांनी भाग घेतला होता.
eduvarta@gmail.com 
एज्युवार्ता न्यूज नेटवर्क
अनेक दिवसांच्या प्रतीक्षेनंतर अखेर केंद्रीय माध्यमिक शिक्षण मंडळाने (CBSE) केंद्रीय शिक्षण पात्रता चाचणी २०२६ (CTET 2026) परीक्षेचा निकाल जाहीर (Results Announced) केला आहे. उमेदवारांना अधिकृत संकेतस्थळ ctet.nic.in वर जाऊन आपले स्कोअरकार्ड डाउनलोड करू शकता. मागील काही दिवसांपासून लाखो उमेदवार या निकालाची वाट पाहात होते. त्यांच्यासाठी ही आनंदाची बातमी आहे.
निकाल तपासण्यासाठी, उमेदवारांनी सर्वोप्रथम CTET च्या अधिकृत वेबसाइट ctet.nic.in ला भेट द्यावी. त्यानंतर “CTET Result 2026” या लिंकवर क्लिक करा. तिथे आपला रोल नंबर टाकून सबमिट केल्यानंतर तुम्हाला तुमचा निकाल स्क्रीनवर दिसेल. उमेदवार आपला निकाल तपासून स्कोरकार्ड डाउनलोड करून त्याची प्रिंट काढून घेऊ शकतात.
सीबीएसईने फेब्रुवारी २०२६ सीटीईटी परीक्षेचा जाहीर केली आहे. ही परीक्षा ७ आणि ८ फेब्रुवारी २०२६ रोजी देशभरातील सुमारे १४० शहरांमध्ये घेण्यात आली. या परीक्षेत देशभरातील तब्बल २५ लाख उमेदवारांनी भाग घेतला होता.
दरम्यान, परीक्षेनंतर निकाल ३० दिवसांत लागणे अपेक्षित असताना ४० दिवस उलटूनही निकाल लागला नव्हता त्यामुळे उमेदवार चिंतेत होते. जिल्हा परिषद शिक्षकांच्या केंद्रप्रमुख पदोन्नतीसाठी सीईटी आणि सीटीईटी गुण अर्जामध्ये भरणे आवश्यक होते, आणि त्यासाठी आज ३१ मार्च ही अंतिम मुदत आहे त्यामुळे हा निकाल राज्यातील सीटीईटी परीक्षार्थिंसाठी दिलासा देणार ठरला आहे.
या परीक्षेत उत्तीर्ण होण्यासाठी सर्वसाधारण प्रवर्गासाठी उमेदवारासाठी ६०% गुण आवश्यक आहेत तर ओबीसी, एससी, एसटी आणि दिव्यांग प्रवर्गासाठी ५५% गुण मिळवणे आवश्यक आहे. या परीक्षेचे वैशिष्ट्य म्हणजे तिची आजीवन वैधता, म्हणजेच एकदा उत्तीर्ण झाल्यावर प्रमाणपत्र आयुष्यभर वैध राहते. सीबीएसई उमेदवारांना केवळ डिजीलॉकरद्वारे डिजिटल गुणपत्रिका आणि प्रमाणपत्रे प्रदान करण्यात येणार आहेत.
