CAT 2024 साठी अर्जाची प्रक्रिया 1 ऑगस्टपासून
अर्ज भरण्याची अंतिम तारीख 13 सप्टेंबर आहे.
eduvarta@gmail.com 
एज्युवार्ता न्यूज नेटवर्क
कॉमन ॲडमिशन टेस्ट (CAT) 2024 ची तयारी करणाऱ्या उमेदवारांसाठी एक महत्त्वाची बातमी आहे. आयआयएम कलकत्त्याने (IIM Calcutta)यावर्षी होणाऱ्या परीक्षेचा तपशील जाहीर केला आहे. प्रसिध्द केलेल्या माहितीनुसार CAT 2024 साठी अर्जाची प्रक्रिया 1 ऑगस्ट 2024 पासून सुरू होणार आहे. तर अर्ज भरण्याची अंतिम तारीख 13 सप्टेंबर आहे. उमेदवार अधिकृत वेबसाइट iimcat.ac.in वर जाऊन ऑनलाइन फॉर्म भरू शकतील.
CAT 2024 ची परीक्षा 24 नोव्हेंबर रोजी CBT पद्धतीने घेतली जाणार आहे. ही परीक्षा देशभरातील 170 शहरांमध्ये घेतली जाणार आहे. अर्ज भरताना उमेदवार परीक्षा केंद्र म्हणून कोणतीही 5 शहरे निवडू शकतील. CAT 2024 परीक्षेत बसण्यासाठी, उमेदवाराने मान्यताप्राप्त विद्यापीठ/संस्थेतून किमान 50 टक्के गुणांसह पदवी उत्तीर्ण केलेली असावी. SC/ST प्रवर्गाने 45 टक्के गुणांसह पदवी उत्तीर्ण केलेली असावी.
CAT परीक्षा 2024 साठी अर्ज करताना, इतर सर्व श्रेणीतील उमेदवारांना नोंदणी शुल्क म्हणून 2500 रुपये भरावे लागतील. याशिवाय SC, ST आणि PWD प्रवर्गातील उमेदवारांसाठी 1250 रुपये शुल्क निश्चित करण्यात आले आहे.
या परीक्षेद्वारे, देशातील नामांकित आयआयएम संस्थांमध्ये पोस्ट ग्रॅज्युएट प्रोग्राम इन मॅनेजमेंट (पीजीपी) आणि फेलोशिप प्रोग्राम इन मॅनेजमेंट (एफपीएम)/(पीएचडी) प्रोग्राममध्ये प्रवेश घेता येतो.
