आयआयटी मुंबई ठरलं JEE टॉपर्ससाठी टॉप चॉईस
पहिल्या 10 रॅंकमध्ये आलेल्या एकूण 10 विद्यार्थ्यांनी यावर्षी IIT मुंबईची निवड केली आहे.
Eduvarta
एज्युवार्ता न्युज नेटवर्क
नुकत्याच सुरू झालेल्या शैक्षणिक वर्षाच्या नवीन आकडेवारीनुसार इंडियन इन्स्टिट्यूट ऑफ टेक्नॉलॉजी ऑफ बॉम्बे (IITB) संयुक्त प्रवेश परीक्षा (JEE) टॉपर्ससाठी पहिली निवड (First Preference) ठरली आहे. IIT मुंबईने (IIT BOMBAY) नुकत्याच जारी केलेल्या एका निवेदनात ही माहिती देण्यात आली आहे.
निवेदनात दिलेल्या माहितीनुसार, JEE परीक्षेत यश मिळवणाऱ्या बहुतेक विद्यार्थ्यांनी 2024-2025 शैक्षणिक वर्षापासून IIT बॉम्बे येथे पदवीपूर्व (UG) कार्यक्रमांमध्ये नावनोंदणी केली आहे. IIT बॉम्बेसाठी अंतिम जागा वाटप 17 जुलै 2024 रोजी झाले.
पहिल्या 10 रॅंकमध्ये आलेल्या एकूण 10 विद्यार्थ्यांनी (Students) यावर्षी IIT मुंबईची निवड केली आहे. तर 25 व्या रॅंकपर्यंत असलेल्या 24 विद्यार्थ्यांनी या संस्थेची निवड केली आहे. 50 रॅंकपर्यंत 47 विद्यार्थ्यांनी या संस्थेची निवड केली आहे. 75 रॅंक पर्यंत तब्बल 66 विद्यार्थ्यांनी IIT मुंबईची निवड केली आहे.
नवीन विद्यार्थ्यांचे स्वागत करताना, संस्थेचे संचालक प्रा. शिरीष केदारे म्हणाले, "जेईई (ॲडव्हान्स) परीक्षेत आयआयटी बॉम्बे हे बहुतांश अव्वल रँकर्सचे पसंतीचे ठिकाण राहिल्याचा मला अभिमान आहे. आम्ही विद्यार्थ्यांचे स्वागत करतो आणि निवड केल्याबद्दल त्यांचे अभिनंदन करतो."
