अकरावीच्या कोट्याअंतर्गत प्रवेशाला आजपासून सुरूवात

एज्युवार्ता न्यूज नेटवर्क 

11th admission: राज्याच्या शालेय शिक्षण विभागातर्फे इयत्ता अकरावी प्रवेशासाठी ऑनलाईन प्रवेश प्रक्रिया (11th online admission process)राबवली जात असून विद्यार्थ्यांची सर्वसाधारण गुणवत्ता यादी (General merit list of students) प्रसिध्द करण्यात आली आहे.तसेच 12 जून पासून विद्यार्थ्यांना आपला कोटाअंतर्गत प्रवेश (Admission under quota)निश्चित करता येणार आहे. त्यासाठी विद्यार्थ्यांना 14 जून पर्यंत मुदत देण्यात आली आहे, याबाबतचे जाहीर प्रकटन शिक्षण विभागातर्फे प्रसिध्द करण्यात आले आहे.

 राज्यातील सर्व कनिष्ठ महाविद्यालयात इयत्ता आकारावीचे प्रवेश केवळ ऑनलाईन पद्धतीने दिले जाणार आहेत. तब्बल 12 लाखांहून अधिक विद्यार्थ्यांनी अकरावी प्रवेशासाठी नोंदणी केली असून सुरूवातीला अल्पसंख्यांक कोटा,इन-हाऊस कोटा आणि व्यवस्थापन कोट्याचे प्रवेश दिले जाणार आहेत.ज्या विद्यार्थ्यांनी कोट्यांतर्गत प्रवेशासाठी अर्ज केलेला आहे, अशा विद्यार्थ्यांची यादी संबंधित कनिष्ठ महाविद्यालयांच्या लॉगनमध्ये 12 जून रोजी सकाळी 9 वाजेपर्यंत उपलब्ध करून दिली जाणार आहे.त्यानंतर संबंधित कनिष्ठ महाविद्यालये आपल्याला प्राप्त झालेल्या यादीनुसार कोटा निहाय गुणवत्ता यादी विद्यालय स्तरावर प्रसिध्द करतील. तसेच पात्र विद्यार्थ्यांना प्रवेशासाठी संपर्क करतील. 

विद्यार्थ्यांना कोटातंर्गत 12 जून रोजी सकाळी 11 वाजल्यापासून ते 14 जून रोजी सायंकाळी 6 वाजेपर्यंत आपला प्रवेश प्रत्यक्ष संबंधित कनिष्ठ महाविद्यालयात जाऊन निश्चित करायचा आहे,असे शिक्षण विभागाने स्पष्ट केले आहे.