शिक्षकी पेशाला काळीमा; १६ विद्यार्थीनीचा विनयभंग, मुख्यध्यापकावर गुन्हा नोंद 

एज्युवार्ता न्यूज नेटवर्क 

शिक्षकी पेशाला काळिमा फासणारे कृत्य लातूर जिल्ह्यातील (Latur District School Crime News) एका प्रभारी मुख्यध्याकाने केले आहे. त्यामुळे शाळेतील इतर विद्यार्थीनींसह पालकांमध्ये भितीचे वातावरण निर्माण झाले. या मुख्यध्यापकाने मागील तीन साडे तीन वर्षात एक दोन नव्हे तर तब्बल १६ अल्पवयीन विद्यार्थीनीचा विनयभंग (16 Minor Student Molested) केल्याचा प्रकार समोर आला आहे. त्यानंतर आता या प्रकरणी लातूर एमआयडीसी पोलीस ठाण्यात आरोपी शिक्षकावर पोस्को कायद्याअंतर्गत गुन्हा दाखल (Crime registered under POCSO Act) करण्यात आला आहे. 

गुन्हा नोंद करण्यात आलेल्या प्रभारी मुख्यध्यापकाने नाव अण्णा श्रीरंग नरसिंगे असे असून तो लातूर शहरालगत असलेल्या हरंगुळ येथील जिल्हा परिषद शाळेत प्रभारी मुख्यध्यापक म्हणून सेवा बजावत होता. हा शिक्षक मागील काही वर्षांपासून अल्पवयीन मुलींशी असभ्य वागायचा, कोणतेही कारण पुढे करुन मुलींशी संवाद साधायचा, अश्लिल भाषा बोलायचा, एवढेच नाहीतर अल्पवयीन मुलींना हातपाय आणि डोक्याची मालीश करायला सांगायचा, असे तक्रारीमध्ये म्हटले आहे. 

मुलींनी पालकांना याबाबतची माहिती दिली. पालकांनी गावातील नागरिकांना सोबत घेऊन या प्रकरणाची शिक्षण विभागाकडे तक्रार केली. गटशिक्षणाधिकारी यांनी प्रकरणाचे गांभिर्य लक्षात घेऊन तात्काळ याची एमआयडीसी पोलीस ठाण्यात तक्रार दाखल केली आहे. या प्रकरणी आरोपी शिक्षकावर गुन्हा दाखल झाला असून त्याला निलंबित करण्यात आले आहे. तर या प्रकरणी लातूर पोलीस पुढील तपास करत आहेत.