NEP अंतर्गत चार वर्षांचा पदवी अभ्यासक्रम या राज्याने नाकारला
कर्नाटक राज्याने NEP अंतर्गत चार वर्षांचा पदवी अभ्यासक्रम रद्द करून तीन वर्षांचा पदवी कार्यक्रम सुरू ठेवण्याचा निर्णय घेतला आहे.
eduvarta@gmail.com 
एज्युवार्ता न्यूज नेटवर्क
देशभरात राष्ट्रीय शैक्षणिक धोरणाची (NEP 2020)अंमलबजावणी टप्या टप्याने सुरू असताना काही राज्यानी मात्र NEP ला स्पष्ट नकार दिला आहे. काँग्रेसचे सरकार असलेल्या कर्नाटक (Karnataka)राज्याने या आधीच NEP रद्द केले होते. आता या निर्णयाचे पुढचे पाऊल म्हणून कर्नाटक राज्याने NEP अंतर्गत चार वर्षांचा पदवी अभ्यासक्रम रद्द (Four year degree course cancelled)करून तीन वर्षांचा पदवी कार्यक्रम सुरू ठेवण्याचा निर्णय घेतला आहे.
विद्यापीठ अनुदान आयोगाचे माजी अध्यक्ष डॉ. सुखदेव थोरात यांच्या अध्यक्षतेखालील राज्य शिक्षण निती आयोगाने दिलेल्या सूचनांच्या आधारे राज्य सरकारने हा निर्णय घेतला आहे. मीडिया रिपोर्ट नुसार पदवीच्या तिसऱ्या वर्षातील विद्यार्थ्यांना चौथ्या वर्षापर्यंत जाण्याची परवानगी दिली जाईल, जेणेकरून त्यांचे शिक्षण खंडित होणार नाही. मात्र, ही कर्नाटकातील शेवटची एनईपी ची बॅच असेल.
2024-25 च्या नवीन प्रवेशासाठी चार वर्षांच्या पदवी अभ्यासक्रमांसाठी नवीन अर्जांना परवानगी न देण्याचे निर्देश कुलगुरूंना आधीच देण्यात आले आहेत. आता येत्या 7 मे रोजी मतदानाचा तिसरा टप्पा संपल्यानंतर याची अधिकृत घोषणा केली जाईल,असे बोलले जात आहे.
