शाळेच्या पहिल्या दिवशी मुख्यमंत्री, मंत्री, आमदार, खासदार  विद्यार्थ्यांचे करणार स्वागत

एज्युवार्ता न्यूज नेटवर्क 

नवीन शैक्षणिक वर्षातील शाळेच्या पहिल्याच दिवशी (Public representatives visit the school on the first day) राज्याचे मुख्यमंत्री, दोन्ही उपमुख्यमंत्री, मंत्री, आमदार आणि खासदार (Deputy Chief Minister, Minister, MLA and MP) त्यांच्या मतदारसंघातील जवळच्या शाळेला भेट (Visit the nearest school) देऊन विद्यार्थ्यांचे स्वागत करणार आहेत. त्याचसोबत शालेय शिक्षण मंत्री व शिक्षण विभागाचे अधिकारी '१०० शाळांना भेटी' (Visits to 100 schools) देऊन शाळांची पाहणी करणार आहेत. शिक्षण विभागाच्या १०० शाळांना भेटी या उपक्रमांतर्गत हा कार्यक्रम राबवला जाणार आहे. 

लहान मुलांसाठी शाळेचा पहिला दिवस काहीसा भीतीदायक आणि आव्हानात्मक असतो. अशा परिस्थिती त्यांना प्रोत्साहान देण्यासाठी या उपक्रमाचे आयोजन करण्यात आले आहे. आई-वडिलांच्या संगती-सोबतीत राहिलेली ही चिमुकली मुले अचानक त्यांचा हात सोडून शाळेत जायला लागतात, तेव्हा त्यांच्यामध्ये काहीशी भीती निर्माण होते. अशावेळी त्यांना आपलंस करण्यासाठी आणि प्रोत्साहन देण्यासाठी हा उपक्रम राबवण्यात येत आहे. 

मुलांसाठी हा दिवस आनंददायी करण्यासाठी शालेय शिक्षण विभागाने ‘१०० शाळांना भेटी’ या उपक्रमांतर्गत शाळेच्या पहिल्या दिवशी मुख्यमंत्री, दोन्ही उपमुख्यमंत्री, मंत्री आणि आमदार यांना त्यांच्या मतदारसंघातील जवळच्या शाळेत जाऊन विद्यार्थ्यांचे स्वागत करण्याची योजना आखली आहे. या उपक्रमांतर्गत लोकप्रतिनिधी, अपर मुख्य सचिव, प्रधान सचिव हे शिक्षण विभागाचे अधिकारी शाळेत जाऊन विद्यार्थी, पालक व शिक्षक यांच्याशी संवाद साधणार आहेत. 

यावेळी मंत्री, आमदार, खासदार शाळेतील कामकाज, शैक्षणिक दर्जा, शाळा इमारत, विद्यार्थ्यांसाठी खेळाच्या सुविधा, विद्यार्थ्यांच्या स्वच्छतेच्या सवयी, शालेय पोषण आहार आणि इतर सोयीसुविधा यांचा आढावा घेतील. तसेच ग्रामीण भागातील विद्यार्थी जिल्हा परिषद शाळांमध्ये कसे प्रवेश घेतील, याबाबतही हे अधिकारी व मंत्री शाळा व्यवस्थापन समिती, ग्रामपंचायत सदस्य आणि सरपंच यांच्याशी संवाद साधणार आहेत.