UGC NET : नॅशनल टेस्टिंग एजन्सीमार्फत जून सत्राच्या पुनर्परीक्षेसाठी प्रवेशपत्र जारी

एज्युवार्ता न्यूज नेटवर्क

नॅशनल टेस्टिंग एजन्सीने (NTA) आज विद्यापीठ अनुदान आयोग - राष्ट्रीय पात्रता चाचणी (UGC NET June 2024) जून सत्राच्या पुनर्परीक्षेसाठी प्रवेशपत्र (Admit card for re-examination) जारी केले आहे. NTA नुसार, UGC NET जून 2024 परीक्षा तांत्रिक बिघाड/पूरामुळे चार परीक्षा केंद्रांवर रद्द (Examination cancelled) करण्यात आली. या चार केंद्रांवरील पुनर्परीक्षेसाठी प्रवेशपत्रे आता https://ugcnet.nta.ac.in./ या अधिकृत वेबसाइटवर प्रसिद्ध करण्यात आले आहेत. 

प्रवेशपत्र डाउनलोड करण्यासाठी सर्वप्रथम https://ugcnet.nta.ac.in./ या अधिकृत वेबसाइटवर जा. त्यानंतर होम पेजवर ॲडमिट कार्ड लिंकवर क्लिक करा. पुढील विंडोवर, UGC NET अर्ज क्रमांक, जन्मतारीख आणि दिलेला सुरक्षा पिन प्रविष्ट करा. नंतर UGC NET प्रवेशपत्र सबमिट करा आणि डाउनलोड करा.

उत्तर प्रदेशातील वाराणसीमधील डॉ. घनश्याम सिंग कॉलेज ऑफ एज्युकेशन, राजस्थानच्या जयपूरमधील शंकरा ग्रुप ऑफ इन्स्टिट्यूशन्स, गुजरातच्या जामनगरमधील अमात्यस ग्लोबल आयटी सोल्युशन आणि तामिळनाडूच्या दिंडीगुलमधील जैनी कॉलेज ऑफ इंजिनीअरिंग अँड टेक्नॉलॉजी ही चार प्रभावित केंद्रे आहेत. या परीक्षा 21, 27 आणि 28 ऑगस्ट रोजी वेगवेगळ्या शिफ्टमध्ये होणार होत्या. आता 4 सप्टेंबर रोजी दुपारी 3 ते 6 या वेळेत फेरपरीक्षा घेण्यात येणार आहे.

उमेदवारांनी नवीन प्रवेशपत्रामध्ये नमूद केल्यानुसार परीक्षा केंद्र/पत्ता/तारीख/वेळ आणि शिफ्टचे तपशील काळजीपूर्वक लक्षात ठेवावे आणि त्यानुसार परीक्षेच्या दिवशी म्हणजे 04 सप्टेंबर 2024 पर्यंत पोहोचावे. तसेच उमेदवारांचे परीक्षा शहर आणि रोल क्रमांक समान राहतील, असेही अधिकृत नोटीसमध्ये म्हटले आहे.