CBSE बोर्ड परीक्षा 2025: ज्या वर्गखोलीत सीसीटीव्ही नाही तिथे...; सीबीएसईचा मोठा निर्णय
या धोरणाचा एक भाग म्हणून, इयत्ता 10वी आणि 12वीचा निकाल जाहीर झाल्यापासून दोन महिन्यांपर्यंत परीक्षा हॉलमधील रेकॉर्डिंग व्यवस्थित संग्रहित करणे आवश्यक आहे.
eduvarta@gmail.com 
एज्युवार्ता न्यूज नेटवर्क
केंद्रीय माध्यमिक शिक्षण मंडळाने (CBSE) 27 सप्टेंबर रोजी शाळांना (schools) सर्व परीक्षा हॉलमध्ये (Exam Hall) सीसीटीव्ही बसवलेले (CCTV installed) असल्याची खात्री करण्याचे आदेश (order) दिले आहेत. सर्व संलग्न शाळांच्या मुख्याध्यापकांना आणि संस्थांच्या प्रमुखांना संबोधित करताना नमूद केले आहे की, इयत्ता 10 वी आणि 12 वीच्या बोर्ड परीक्षा (10th and 12th Board Exams) केवळ सीसीटीव्ही सुविधा अलेल्या खोलीत आयोजित केल्या जातील. ज्या शाळेतील खोलीत कॅमेरे नसतील तिथे विद्यार्थी परीक्षा देणार नाही (The student will not take the exam) आणि ते परीक्षेचे ठिकाण देखील मानले जाणार नाही, असेही यात नमूद केले आहे. 2025 च्या बोर्ड परीक्षेत हे धोरण लागू केले जाणार आहेत.
CBSE ने दावा केला आहे की, यावर्षी अंदाजे 44 लाख विद्यार्थी 10वी आणि 12वीच्या परीक्षा देतील. एवढ्या मोठ्या प्रमाणावर परीक्षा सुरळीत आणि न्याय्य पद्धतीने पार पाडण्यासाठी, मंडळाने CCTV धोरण विकसित केले आहे ज्याद्वारे शैक्षणिक संस्थांना उच्च-रिझोल्यूशन कॅमेरे बसवण्यास सांगितले आहे जेथे विद्यार्थ्यांच्या क्रिया आणि परीक्षा साहित्य सहज दिसतील.
धोरणाचा एक भाग म्हणून, इयत्ता1 0वी आणि 12वीचा निकाल जाहीर झाल्यापासून किमान दोन महिने परीक्षा हॉलमधील रेकॉर्डिंग व्यवस्थित संग्रहित करणे आवश्यक असणार आहे. कॅमेऱ्यांचे फुटेज केवळ अधिकृत कर्मचाऱ्यांनाच मिळू शकते. CBSE ने शाळांना आदेश दिले आहेत की, कॅमेऱ्यांमध्ये पॅन, टिल्ट आणि झूम या पर्यायांसह विशिष्ट क्षेत्रांचे डायनॅमिक मॉनिटरिंग किंवा विद्यार्थ्यांचे डायनॅमिक मॉनिटरिंग आहे. त्याचा खर्च मंडळाकडून होणार नाही, हेही शाळांनी लक्षात ठेवणे गरजेचे आहे.
परीक्षेदरम्यान पालक आणि विद्यार्थी दोघांनाही या निर्णयाचा उद्देश याविषयी माहिती दिली जाईल. शाळांना अभिमुखता सत्र, हँडबुक आणि सूचना फलक यासारख्या विविध पद्धतींद्वारे माहिती प्रदान करण्याचा सल्ला दिला जातो. त्यांना सुधारणा ओळखण्यासाठी आणि आवश्यक समायोजन करण्यासाठी विद्यार्थी, कर्मचारी आणि परीक्षा अधिकाऱ्यांकडून आवश्यक अभिप्राय घेण्याचा सल्ला देण्यात आला आहे.
दरम्यान, प्रत्येक परीक्षा केंद्रामध्ये, 10 खोल्यांसाठी एक व्यक्ती किंवा 240 विद्यार्थी परीक्षांच्या निष्पक्ष संचालनावर सतत लक्ष ठेवण्यासाठी जबाबदार असतील.
