तिसरी ते नववीच्या विद्यार्थ्यांची २२ ऑक्टोबरपासून संकलित मूल्यमापन चाचणी 

एज्युवार्ता न्यूज नेटवर्क 

राज्यातील शासकीय, स्थानिक स्वराज्य संस्था, अनुदानित शाळांमध्ये प्रशिक्षण परिषदेतर्फे (एससीईआरटी) तिसरी ते नववीच्या विद्यार्थ्यांची संकलित मूल्यमापन चाचणी -१ (Composite Assessment Test-1) घेण्याचे  आयोजन करण्यात आले आहे. ही चाचणी २२ ते २५ ऑक्टोबर या कालावधीत परीक्षा होणार आहे. या मूल्यमापन चाचणीमध्ये प्रथम भाषा, गणित, तृतीय भाषा (इंग्रजी) या विषयांची असणार आहे, अशी माहिती एससीईआरटीचे सहसंचालक रमाकांत काठमोरे (Ramakant Kathmore)  यांनी दिली आहे.

एससीईआरटीतर्फे पायाभूत चाचणी, संकलित मूल्यमापन चाचणी - १ आणि संकलित मूल्यमापन चाचणी - २ या नियतकालिक चाचण्यांचे आयोजन केले जाते. त्यानुसार १० ते १२ जुलै दरम्यान पायाभूत चाचणी घेण्यात आली. त्यानंतर आता २२ ते २५ ऑक्टोबर या कालावधीत संकलित मूल्यमापन चाचणी - १ घेण्यात येणार आहे. परीक्षेत लेखी आणि तोंडी चाचणीचा समावेश आहे. वेळापत्रकानुसार २२ ऑक्टोबर रोजी प्रथम भाषा, २३ रोजी तृतीय भाषा (इंग्रजी), २४ रोजी गणित आणि २५ ऑस्टोबर रोजी नववी गणित भाग - २ अशी परीक्षा होणार आहे.

तिसरी ते नववीसाठी भाषा, गणित, तृतीय भाषा (इंग्रजी) वगळून इतर सर्व विषयांची संकलित चाचणी १ लेखी, तोंडी, स्वाध्याय, प्रात्यक्षिक परीक्षा प्रचलित पद्धतीने घेण्याचे शाळास्तरावर नियोजन करावे. या शालेय वेळापत्रकानुसार सकाळ, दुपार सत्रात शाळास्तरावर परीक्षेच्या वेळेचे नियोजन करण्याचे स्वातंत्र्य दिले आहे. मात्र, परीक्षा दिलेल्या वेळापत्रकानुसारच घ्यावी, त्यात बदल करू नये. या तोंडी, प्रात्यक्षिक, स्वाध्याय चाचणी लेखी परीक्षेनंतर त्या दिवशी वैयक्तिक स्वरुपात घ्यावी. विद्यार्थी संख्या जास्त असल्यास दुसर्‍या दिवशी उपलब्ध वेळेनुसार घ्यावी, असे निर्देश शाळांना देण्यात आले आहेत.