कॉलेज कॅन्टीनमधून,वडापाव,समोसा हद्दपार होणार? ; युजीसीकडून आरोग्यदायी आहार देण्याच्या सूचना

एज्युवार्ता न्यूज नेटवर्क 

विद्यापीठे व संलग्न महाविद्यालयांच्या कॅन्टीनमध्ये (In canteens of universities and affiliated colleges)सकस आहार (Healthy diet) देण्याबाबत विद्यापीठ अनुदान आयोगाने (UGC) नुकत्याच मार्गदर्शक सूचना प्रसिध्द केल्या आहेत. परिणामी देशभरातील विद्यापीठे आणि संलग्न महाविद्यालयांना कॅन्टीनमधून आरोग्यदायी आहार द्यावा लागणार आहे. त्यामुळे आता कॅन्टीनमधून वडापाव, समोसा, न्यूडल्स यासारखे (Vada Pav, Samosa, Noodles)अन्न पदार्थ हद्दपार होणार आहेत का ? असा सवाल उपस्थित होत आहे.
 
देशातील तरुणांमध्ये लठ्ठपणाचे वाढते प्रमाण, मधुमेह आणि इतर आजार वाढत आहेत. नॅशनल ॲडव्होकेसी इन पब्लिक इंटरेस्ट (NAPi) ही पोषण विषयक राष्ट्रीय थिंक टँक आहे. NCDs (2017-2022) च्या प्रतिबंध आणि नियंत्रणासाठी राष्ट्रीय बहु-क्षेत्रीय कृती योजना (NMAP) च्या अंमलबजावणीसाठी काही निर्णय घेतले जात आहेत.त्यानुसार स्वास्थ्याला हानिकार असलेल्या अन्न पदार्थावर बंदी घालण्याची आणि कॅन्टीनमध्ये आरोग्यदायी अन्नाच्या पर्यायांना प्रोत्साहन देण्याची विनंती करण्यात आली आहे. 

UGC कडून असे सांगण्यात आले आहे की, उच्च शिक्षण संस्थांना 10 नोव्हेंबर 2016 आणि 21 ऑगस्ट 2018 रोजी सल्ला देण्यात आला आहे. संस्थांना पुन्हा एकदा त्यांच्या कॅन्टीनमध्ये आरोग्यहीन अन्नाची विक्री थांबवण्याचा आणि केवळ आरोग्यदायी अन्न देण्यास प्रोत्साहन देण्याचा सल्ला देण्यात आला आहे. असे केल्याने आपण असंसर्गजन्य आजारांच्या वाढत्या साथीला आळा घालू शकतो, असे युजीसीच्या पत्रात नमूद करण्यात आले आहे.