BAMU : बाबासाहेब डोळे यांची परीक्षा मूल्यमापन मंडळाच्या संचालकपदी निवड
डॉ. बाबासाहेब आंबेडकर मराठवाडा विद्यापीठाच्या परीक्षा व मूल्यमापन मंडळ संचालकपदी डॉ. बाबासाहेब निवृत्ती डोळे यांची नियुक्ती करण्यात आली आहे. डॉ. भारती गवळी यांच्याकडून डॉ. डोळे यांनी संचालक पदाची सूत्रे स्वीकारली. विद्यापीठाचे कुलगुरू डॉ. विजय फुलारी यांच्या अध्यक्षतेखाली निवड समितीने डॉ. बाबासाहेब डोळे यांची संचालकपदी निवड केली.
eduvarta@gmail.com 
एज्युवार्ता न्यूज नेटवर्क
छत्रपती संभाजीनगर येथील डॉ. बाबासाहेब आंबेडकर मराठवाडा विद्यापीठाच्या (Dr. Babasaheb Ambedkar Marathwada University) परीक्षा व मूल्यमापन मंडळ संचालकपदी डॉ. बाबासाहेब निवृत्ती डोळे यांची नियुक्ती (Dr. Babasaheb Nivruti Dole appointed as Director) करण्यात आली आहे. डॉ. भारती गवळी यांच्याकडून डॉ. डोळे यांनी संचालक पदाची सूत्रे स्वीकारली. विद्यापीठाचे कुलगुरू डॉ. विजय फुलारी (Vice Chancellor Dr. Vijay Phulari) यांच्या अध्यक्षतेखाली निवड समितीने डॉ. बाबासाहेब डोळे यांची संचालकपदी निवड केली.
डाॅ. डोळे हे गेल्या १९ वर्षांपासून पदार्थविज्ञान विभागात कार्यरत आहेत. त्यापूर्वी त्यांनी जेईएस महाविद्यालय, जालना व पीईएस अभियांत्रिकी महाविद्यालयात अध्यापनाचे कार्य केले आहे. तसेच पदार्थविज्ञान विभागप्रमुख, अभ्यास मंडळ अध्यक्ष, विद्या परिषद सदस्य, खरेदी समिती, रिड्रेसल कमिटी आदी पदांवर त्यांनी काम केले आहे. 'बामुटा' संघटनेचे अध्यक्षपद ही त्यांनी सांभाळले आहे. परीक्षा विभाग संवेदनशील असल्यामुळे त्या ठिकाणी गटतट सोडून काम करावे लागेल, असे त्यांनी निवड झाल्यानंतर म्हटले आहे.
दरम्यान, परीक्षा व मूल्यमापन मंडळास जवळपास साडेतीन वर्षांनंतर पूर्णवेळ संचालक मिळाला आहे. यापूर्वी २९ ऑक्टोबर २०२२ पर्यंत डॉ. योगेश पाटील हे कार्यरत होते. नंतरच्या काळात डॉ. गणेश मंझा, डॉ. भारती गवळी यांनी या पदांवर कार्य केले आहे. डॉ. भारती गवळी यांनी २४ मार्च २०२३ ते ३ मे २०२५ या काळात परीक्षा व मूल्यमापन मंडळ संचालकपदाची सूत्रे सांभाळली.
