'एनटीए'चा निकालवर प्रश्नचिन्ह! NEET अन्सर की मध्ये 609, स्कोअरकार्ड मध्ये 540 अन् शेवटी राहिले 167 गुण 

एज्युवार्ता न्यूज नेटवर्क

नीट परीक्षेबाबत (Re-examination properly) संशायाची मालिका सुरूच आहे. कानपूर येथील विद्यार्थीनी आर्या सिंह (Student Arya Singh) यांनी सर्वात मोठा आरोप केला आहे. तिच्या म्हणण्यानुसार, ओएमआर शीट आणि 'अंतिम अन्सर की'च्या (609 marks in the final answer key) आधारे तिला ६०९  गुण होते. मात्र निकाल जाहीर झाल्यावर तीन वेळा निकाल चेक केला तेव्हा ५४० गुण (540 marks after the declaration of results) दाखवण्यात आले आणि काही तासांतच ते १६७ गुणांवर (Finally, it dropped to 167 marks) घसरले. आर्या सिंह आणि तिचे वडिल राकेश कुमार सिंह यांनी एनटीए (NTA) आणि केंद्रीय शिक्षण मंत्र्यांना पुराव्यासह ईमेल पाठवला आहे. तसेच न्यायालयीन मदत घेणार असल्याचेही त्यांनी स्पष्ट केले आहे.

पेपरफुटी प्रकरणानंतर रद्द झालेली नीट यूजी फेरपरीक्षा २१ जूनला घेण्यात आली होती. या परीक्षेचा निकाल १६ जुलै रोजी रात्री उशिरा जाहीर करण्यात आला. मात्र निकाल जाहीर झाल्यानंतर पुन्हा एकदा राष्ट्रीय परीक्षा एजन्सी (एनटीए) वर गंभीर आरोप करण्यात येत आहेत. घाईगडबडीत निकाल प्रसिद्ध करताना अनेक त्रुटी राहिल्याचा दावा विद्यार्थ्यांकडून करण्यात येतोय. यामुळे विद्यार्थ्यांमध्ये संभ्रम आणि असंतोष वाढला आहे.

२१ जूनच्या फेरपरीक्षेचा निकाल घाईघाईने जाहीर करण्यात आला. एनटीएकडून जारी केलेल्या ओएमआर शीटमध्ये बदल झाल्याचे दिसते. अपडेटेड शीटमध्ये सीरियल नंबरही बदलला गेला असल्याचे परीक्षार्थी आर्या सिंह हिने माध्यमांना सांगितले. या सर्व पुराव्यासह आर्या सिंहने एनटीए आणि शिक्षण मंत्रालयाकडे स्पष्टीकरण मागितले आहे. या प्रकारामुळे विद्यार्थ्यांच्या मेहनतीवर पाणी पडत असल्याची भावना विद्यार्थी वर्गात पसरली आहे.

दरम्यान, एनटीएने आर्या सिंह यांच्या आरोपांना पूर्णपणे फेटाळले आहे. एनटीएच्या म्हणण्यानुसार, विद्यार्थीनीचे दाखवलेले स्कोअरकार्ड खोटे आहे. इंटरनेटवर किंवा अन्य प्लॅटफॉर्मवर फिरत असलेले स्कोअरकार्ड आणि ओएमआर शीट अधिकृत नाहीत. एनटीएने अधिकृत स्कोअरकार्ड जारी केले असून, त्यात क्यूआर कोड स्कॅन केल्यावर ५४० गुण दिसतात. विद्यार्थीनीने दाखवलेली ओएमआर शीट खरी नसल्याचा दावा एनटीएने केला आहे.

या प्रकरणाने नीट परीक्षेच्या विश्वासार्हतेवर पुन्हा एकदा प्रश्नचिन्ह निर्माण झाले आहे. पेपरफुटीनंतर फेरपरीक्षा घेऊनही निकालात गोंधळ निर्माण झाल्याने विद्यार्थी, पालक आणि शिक्षण क्षेत्रात नाराजी व्यक्त केली जात आहे. एनटीएने याबाबत अधिकृत आणि पारदर्शक स्पष्टीकरण द्यावे, अशी मागणी जोर धरत आहे. न्यायालयीन प्रक्रिया सुरू झाल्यास या प्रकरणाला नवी कलाटणी मिळण्याची शक्यता आहे.