यूपीएससी भारतीय वन सेवा परीक्षा २०२४ चा निकाल जाहीर
उमेदवारांना आपला निकाल आयोगाच्या https://upsc.gov.in/ या अधिकृत वेबसाइटवर उपलब्ध आहे. तथापि, निकाल जाहीर झाल्यापासून १५ दिवसांच्या आत उमेदवारांचे गुण आयोगाच्या वेबसाइटवर उपलब्ध करून दिले जाणार आहेत.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाने (UPSC) २०२४ च्या भारतीय वन सेवा परीक्षेचा निकाल (Indian Forest Service Exam Result) जाहीर केला आहे. यावर्षी या परीक्षेत कनिका अनभ (kanika anabh) या विद्यार्थिनीने परीक्षेत अव्वल स्थान पटकावले आहे. ही परीक्षा २४ नोव्हेंबर ते १ डिसेंबर दरम्यान घेण्यात आली होती. २१ एप्रिल ते २ मे दरम्यान व्यक्तिमत्व चाचणी घेण्यात आली. विविध श्रेणींमध्ये नियुक्तीसाठी एकूण १४३ उमेदवारांची शिफारस करण्यात आली आहे.
उमेदवारांना आपला निकाल आयोगाच्या https://upsc.gov.in/ या अधिकृत वेबसाइटवर उपलब्ध आहे. तथापि, निकाल जाहीर झाल्यापासून १५ दिवसांच्या आत उमेदवारांचे गुण आयोगाच्या वेबसाइटवर उपलब्ध करून दिले जाणार आहेत.
यावर्षी, ४० सामान्य उमेदवारांची निवड करण्यात आली आहे, त्यानंतर आर्थिकदृष्ट्या दुर्बल घटकातील १९ विद्यार्थी, इतर मागासवर्गीय वर्गातील ५० इच्छुक, अनुसूचित जातीतील २३ उमेदवार आणि अनुसूचित जमातीतील ११ विद्यार्थी आहेत. उमेदवार उपलब्ध नसल्यामुळे PwBD-१ साठी सध्याच्या दोन रिक्त जागा पुढील भरती वर्षात पुढे नेण्यात आल्या आहेत, असेही अधिसूचनेत नमूद केले आहे.
उमेदवारांच्या नियुक्त्या सरकारकडून उपलब्ध असलेल्या रिक्त पदांच्या संख्येनुसार आणि परीक्षा आणि पडताळणीच्या नियमांमध्ये समाविष्ट असलेल्या सर्व विहित पात्रता अटी/तरतुदी पूर्ण करणाऱ्या उमेदवारांच्या अधीन राहून केल्या जातील, असे अधिसूचनेत म्हटले आहे.
यूपीएससीने त्यांच्या कॅम्पसमधील परीक्षा हॉल इमारतीजवळ एक सुविधा काउंटर स्थापित केले आहे. उमेदवार त्यांच्या परीक्षा किंवा भरतीसंदर्भातील कोणतीही माहिती किंवा स्पष्टीकरण कामकाजाच्या दिवशी सकाळी १० ते सायंकाळी ५ वाजेपर्यंत प्रत्यक्ष भेटून किंवा ०११-२३३८५२७१ / २३३८११२५ या दूरध्वनी क्रमांकावर मिळवू शकतात. दरम्यान, केंद्रीय लोकसेवा आयोगाने २२ एप्रिल रोजी नागरी सेवा परीक्षेचा (CSE) अंतिम निकाल जाहीर केला.
