तिसरीच्या विद्यार्थ्याकडून केजीच्या बालिकेवर क्रूर हल्ला; प्रकृती चिंताजनक
हरियाणातील पंचकुला येथील संस्कृती मॉडेल स्कूलमध्ये एका लहान बालिकेवर झालेला जीवघेणा हल्ला संपूर्ण समाजाला हादरवून सोडणारा आहे. तिसरी इयत्तेत शिकणाऱ्या एका विद्यार्थ्याने केजी वर्गातील अल्पवयीन मुलीवर दगड आणि कुंडीने हल्ला चढवला. या घटनेने शाळेतील विद्यार्थ्यांच्या सुरक्षेबाबत गंभीर प्रश्न निर्माण केले आहेत.
Eduvarta
एज्युवार्ता न्यूज नेटवर्क
हरियाणातील पंचकुला येथील संस्कृती मॉडेल स्कूलमध्ये एका लहान बालिकेवर झालेला जीवघेणा हल्ला संपूर्ण समाजाला हादरवून सोडणारा आहे. तिसरी इयत्तेत शिकणाऱ्या एका विद्यार्थ्याने केजी वर्गातील अल्पवयीन मुलीवर दगड आणि कुंडीने हल्ला चढवला. या घटनेने शाळेतील विद्यार्थ्यांच्या सुरक्षेबाबत गंभीर प्रश्न निर्माण केले आहेत. समाज अधिकाधिक हिंसक होत चालला असल्याचे हे दुखद उदाहरण आहे. कुणीही अशा क्रूर कृत्याची कल्पनाही करू शकत नाही, तरीही ती वास्तवात घडली.
हल्ला करणाऱ्या मुलाने प्रथम मुलीवर दगड फेकला आणि नंतर तिच्या डोक्यात जोरात कुंडी मारली. एवढ्यावरच तो थांबला नाही. त्याने मुलीला एका रिकाम्या वर्गात नेऊन तिचे डोके वारंवार जमिनीवर आपटले. मुलगी बेशुद्ध झाल्यानंतरही त्याने तिचे केस धरून शाळेच्या परिसरात ओढत नेले. त्याने मुलीला तिच्या वडिलांना भेटण्याच्या बहाण्याने शाळेच्या पहिल्या मजल्यावर घेऊन गेला होता आणि तिथे पोहोचताच हल्ला सुरू केला. ही घटना पाहून शाळेतील इतर विद्यार्थी आणि कर्मचारी थक्क झाले.
घटनेनंतर मुलीला तातडीने सेक्टर ६ येथील सिव्हिल हॉस्पिटलमध्ये दाखल करण्यात आले. मात्र तिची प्रकृती अत्यंत गंभीर असल्याने डॉक्टरांनी तिला चंदीगड येथील पीजीआय रुग्णालयात हलवले आहे. सध्या तिची स्थिती चिंताजनक आहे आणि डॉक्टरांचे प्रयत्न सुरू आहेत. पालक आणि नातेवाईक भीतीच्या छायेत आहेत.
पोलिसांनी घटनास्थळी पोहोचून तपास सुरू केला आहे. हल्ल्यामागील नेमके कारण अद्याप स्पष्ट झालेले नाही. शाळा प्रशासन आणि आरोपी मुलाच्या पालकांची चौकशी सुरू आहे. या घटनेमुळे शाळांमधील सुरक्षा व्यवस्था आणि विद्यार्थ्यांच्या मानसिक आरोग्याबाबत गंभीर चर्चा सुरू झाली आहे. अशा घटना रोखण्यासाठी शाळा आणि पालकांनी अधिक सतर्क राहणे गरजेचे आहे.
