दहा पेक्षा कमी पटसंख्या असलेल्या शाळांना लवकरच मिळणार नवे शिक्षक 

एज्युवार्ता न्यूज नेटवर्क 

शालेय शिक्षण विभागाच्या वतीने महिनाभरापुर्वी एक पत्र काढून १० पेक्षा कमी पटसंख्येच्या शाळेत (Schools with less than 10 students) शिक्षक नेमण्यास मंजुरी देण्यात आली. त्यानंतर आता राज्यभरात १० पेक्षा कमी पटसंख्या असलेल्या शाळांना कंत्राटी शिक्षक निवडीची प्रक्रिया (Contract teacher selection process) सुरू झाली आहे. त्यामुळे येत्या काही दिवसांत शाळांना नवे शिक्षक मिळण्याची (Schools will get new teachers) शक्यता वर्तवण्यात येत आहे. 

शासनाच्या मान्यतेनुसार या शाळांमध्ये मानधन तत्वावर प्रत्येकी एक कंत्राटी शिक्षकांची नियुक्ती करण्यात येणार आहे. यापूर्वी २० पटसंख्या किंवा त्यापेक्षा आत विद्यार्थी पटसंख्या असलेल्या जि. प. च्या शाळांमध्ये एका कंत्राटी शिक्षकांची नेमणूक करण्यात येणार होती. त्यानंतर त्यामध्ये बदल करून आता  १० किंवा त्यापेक्षा कमी पटसंख्या असलेल्या शाळांवर एक शिक्षक नियुक्त केला जाणार आहे. त्या अनुषंगाने शिक्षण विभाग कामाला लागले होते मात्र निवडणुकीची आचारसंहितेमुळे ही प्रक्रिया थांबली होती. मात्र, आता २६ तारखेला आचारसंहिता संपल्यानंतर पुन्हा या प्रक्रियेला वेग मिळण्याची शक्यता आहे. 

सरकारने गाव तिथे शाळा हे धोरण राबविल्याने मराठी माध्यमांच्या शाळांची संख्या वाढली मात्र, हळूहळू विद्यार्थी संख्या कमी झाली. तर या उटल शहरालगतच्या गावांमध्ये इंग्रजी माध्यमाच्या शाळांची संख्या वाढली तशी विद्यार्थी संख्या देखील वाढली. परिणामी राज्यातील हजारो जिल्हा परिषदेच्या  शाळांची पट संख्या घटली. त्यानंतर आता या सर्व शाळा पूर्वपदावर आणण्यासाठी शासन स्तरावर प्रयत्न करण्यात येत आहेत. त्या अनुषंगाने १० पेक्षा कमी पटसंख्या असलेल्या शाळांमध्ये ही कंत्राटी शिक्षक भरती केली जात आहे. 

राज्यात १० च्या आत पटसंख्या असलेल्या हजारो शाळा आहेत. या शाळांमध्ये रिक्त पदांवर कंत्राटी शिक्षक मानधन तत्त्वावर देण्यात येणार आहे. राज्यातील सर्व कमी पटसंख्येच्या शाळेत शिक्षक म्हणून काम करण्यासाठी इच्छुक असलेल्या उमेदवारांकडून अर्ज मागविण्यात आले आहेत. त्यानंतर आता पुढील काही दिवसांत नव्या शिक्षकांनी नियुक्ती केली जाणार आहे.