आदिवासी लिपिक भरती अर्ज प्रक्रियेला 'या' तारखेपर्यंत मुदतवाढ
आदिवासी विकास महामंडळ अंतर्गत वर्ग-३ संवर्गातील विविध पदांसाठी राबवण्यात येणाऱ्या अर्ज प्रक्रियेला 30 नोव्हेंबर पर्यंत मुदतवाढ देण्यात आली आहे.
eduvarta@gmail.com 
एज्युवार्ता न्यूज नेटवर्क
आदिवासी विकास महामंडळ (Tribal Development Corporation) अंतर्गत वर्ग-३ संवर्गातील विविध पदांसाठी राबवण्यात येणाऱ्या अर्ज प्रक्रियेला 30 नोव्हेंबर पर्यंत मुदतवाढ (Extension until November 30) देण्यात आली आहे. यापूर्वी देण्यात आलेली मुदत संपुष्टात आल्याने आदिवासी विभागाने आता पुन्हा एकदा मुदतवाढ देण्याचा निर्णय घेतला आहे. या भरती अंतर्गत विविध पदांच्या 614 जागा भरण्यात येणार आहेत. त्यामुळे अद्याप अर्ज न भरलेल्या उमेदवारांनी ही मोठी संधी उपलब्ध झाली आहे.
या भरती मोहिमेअंतर्गत वरिष्ठ आदिवासी विकास निरिक्षक / संशोधन सहाय्यक / उपलेखापाल मुख्यलिपिक-सांख्यिकी सहाय्यक (वरिष्ठ)/ आदिवासी विकास निरिक्षक (नॉनपेसा) / वरिष्ठ लिपिक-सांख्यिकी सहाय्यक/कनिष्ठ शिक्षण विस्तार अधिकारी / लघुटंकलेखक / गृहपाल-महिला / गृहपाल पुरुष / अधिक्षक महिला/ अधिक्षक पुरुष / ग्रंथपाल/सहाय्यक ग्रंथपाल / प्रयोगशाळा सहाय्यक / कॉमेरामन-कम-प्रोजेक्टर ऑपरेटर तसेच आयुक्त कार्यालयाचे स्तरावरील उच्चश्रेणी लघुलेखक व निम्नश्रेणी लघुलेखक इत्यादी पदांच्या एकूण 614 रिक्त जागा भरण्यात येणार आहेत.
परीक्षेचे आणि निवड प्रक्रिया
सर्व पदांसाठी फक्त मराठी माध्यमातुन संगणक प्रणालीव्दारे ऑनलाईन परीक्षा वस्तुनिष्ठ बहुपर्यायी स्वरुपात घेण्यात येईल. परीक्षा राज्यातील जिल्ह्याच्या मुख्यालय ठिकाणी घेण्यात येईल. संगणक आधारीत परीक्षेद्वारे घेण्यात येणाऱ्या ऑनलाईन परीक्षेत प्राप्त गुणांच्या आधारे गुणवत्तेनुसार उमेदवारांची निवड केली जाईल. गुणवत्ता यादीत सहभागी होण्यासाठी उमेदवाराने किमान 45 टक्के गुण प्राप्त करणे आवश्यक आहे.
